ബ്രിട്ടന്‍‌കാരിയായ വിനോദസഞ്ചാരിയെ ശ്രീനഗറിലെ ദാല്‍ തടാകത്തിലെ ഹൌസ് ബോട്ടില്‍ കൊല്ലപ്പെട്ട നിലയില്‍ കണ്ടെത്തി. കൊലയുമായി ബന്ധപ്പെട്ട് ഒരു ഡച്ച് വിനോദസഞ്ചാരിയെ പൊലീസ് അറസ്റ്റ് ചെയ്തു.
ഹൌസ് ബോട്ടിലെ മുറിയില്‍ രക്തത്തില്‍ തളം‌കെട്ടിയ നിലയിലാണ് മൃതദേഹം കിടന്നിരുന്നത്. അറസ്റ്റിലായ വിനോദസഞ്ചാരി ഇവരെ പീഡിപ്പിക്കാന്‍ ശ്രമിച്ചിരുന്നു എന്നാണ് സൂചന. ഇയാള്‍ രക്ഷപ്പെടാന്‍ ശ്രമിക്കുന്നതിനിടെയാണ് പൊലീസ് പിടികൂടിയത്. കേസ് അന്വേഷണം പുരോഗമിക്കുകയാണ്.
സ്ത്രീയുടെ ശരീരത്തില്‍ പരുക്കുകള്‍ ഉണ്ടായിരുന്നു. മൃതദേഹം പോസ്റ്റ്മോര്‍ട്ടത്തിന് അയച്ചു.
