മൂന്ന് വയസുകാരിയെ പീഡിപ്പിച്ചയാള്‍ പൊലീസ് പിടിയില്‍
ഭുവനേശ്വര്‍|
WEBDUNIA|
Last Modified തിങ്കള്‍, 17 ജൂണ്‍ 2013 (19:10 IST)
WD
WD
മൂന്ന് വയസുകാരിയെ പീഡിപ്പിച്ച യുവാവിനെ പൊലീസ് അറസ്റ്റ് ചെയ്തു. സുകുലാല്‍ സോറനാണ് പൊലീസ് പിടിയിലായത്. ഒറീസയില്‍ ഭുവനേശ്വറിലാണ് പീഡനം നടന്നത്.
ഭുവനേശ്വറിനു സമീപമുള്ള ചേരി പ്രദേശമായ മഞ്ചേശ്വറിലാണ് പ്രതിയായ സുകുലാലിന്റെയും മൂന്ന് വയസുകാരിയുടെയും വീട്. വീടിനു സമീപം കളിച്ച് കൊണ്ടിരുന്ന മൂന്ന് വയസുകാരിയെ ഭക്ഷണ സാധനങ്ങള്‍ കാട്ടി യൂവാവ് തന്റെ വീട്ടിലേക്ക് കൊണ്ടുപോകുകയായിരുന്നു.
വീട്ടിലെത്തിയ പ്രതി പെണ്‍കുട്ടിയുടെ വാ പൊത്തിപ്പിടിച്ചതിനു ശേഷം പീഡിപ്പിക്കുകയായിരുന്നു. തുടര്‍ന്ന് പെണ്‍കുട്ടിയെ തിരികെ കളിക്കളത്തില്‍ ഉപേക്ഷിച്ച് കടന്നു കളയുകയായിരുന്നു. പെണ്‍കുട്ടി ശാരീ‍രിക ബുദ്ധിമുട്ട് പ്രകടിപ്പിച്ചതിനെ തുടര്‍ന്ന് ആശുപത്രിയില്‍ പ്രവേശിച്ചപ്പോഴാണ് പീഡനം നടന്നതായി മനസിലാക്കിയത്.
പിന്നീട് നടത്തിയ അന്വേഷണത്തില്‍ സുകുലാലാണ് പീഡനം നടത്തിയതെന്ന് മനസിലാക്കി. തുടര്‍ന്ന് വീട്ടുകാര്‍ പരാതി നല്‍കിയതിനെ തുടര്‍ന്ന് പൊലീസ് സുകുലാലിനെ അറസ്റ്റ് ചെയ്യുകയായിരുന്നു.
