മംഗലാപുരത്തിനടുത്ത് ലോറി മറിഞ്ഞ് തീപിടിച്ച് ആറു പേര്‍ മരിച്ചു. പെര്‍ണയില്‍ പാചകവാതകവുമായി പോയ ലോറിയാണ് തീപിടിച്ചത്. സമീപത്തെ നിരവധി വീടുകളും രണ്ടു വാഹനങ്ങളും അഗ്നിക്കിരയായി. ലോറിയുടെ ഡ്രൈവറും ക്ലീനറും വഴിയാത്രക്കാരിയുമാണ് മരിച്ചു. മരിച്ച മറ്റുള്ളവരുടെ വിവരങ്ങള്‍ അറിവായിട്ടില്ല. നിരവധിപ്പേര്‍ക്ക് പരിക്കുണ്ട്.
മംഗലാപുരം റിഫൈനറിയില്‍നിന്നും ബാംഗ്ലൂരിലേക്ക് പാചകവാതകവുമായി പോയ ലോറി ഉപ്പനങ്ങാടിക്ക് സമീപം പെര്ണ ദേശീയ പാതയിലാണ് രാവിലെ അപകടത്തില്‍പ്പെട്ടത്. ഒരു വളവ് തിരിയുന്നതിനിടെ ടാങ്കര് മറിയുകയായിരുന്നു. അപകടത്തെത്തുടര്‍ന്ന് ഒരു കിലോമീറ്റര്‍ ചുറ്റളവിലെ വീടുകളും കെട്ടിടങ്ങളും ഒഴിപ്പിച്ചു.
