കോളേജ് വിദ്യാര്‍ത്ഥിനിയെ ബലാത്സംഗം ചെയ്ത് തീയിട്ട് കൊന്നു
ഉത്തര്‍പ്രദേശ്|
WEBDUNIA|
PRO
PRO
കോളേജ് വിദ്യാര്‍ത്ഥിയെ ബലാത്സംഗം ചെയ്ത് തീയിട്ട് കൊന്നു. ഉത്തര്‍പ്രദേശിലെ എത്വാ ജില്ലയിലാണ് അതിക്രൂരമായ രീതിയില്‍ യുവതിയെ ബലാത്സംഗം ചെയ്ത് കൊലപ്പെടുത്തിയത്.
ഈ മാസം ഒമ്പതിനാണ് സംഭവം. യുവതിയുടെ മൊഴി അനുസരിച്ച് പൊലീസ് ഒരു യുവാവിനെ അറസ്റ്റ് ചെയ്തിരുന്നു. ഈ യുവാവുമായി യുവതി രണ്ട് വര്‍ഷമായി പ്രണയത്തിലായിരുന്നു. എന്നാല്‍ വിവാഹം കഴിക്കാന്‍ തയ്യാറല്ലെന്ന് പറഞ്ഞതോടെയാണ് പ്രശ്നങ്ങള്‍ ആരംഭിക്കുന്നത്.
തുടര്‍ന്ന് വീട്ടിലേക്ക് വിളിച്ചുവരുത്തുകയും ബലാത്സംഗം ചെയ്യുകയായിരുന്നു. ഇത് താന്‍ പോലീസിനോട് പരാതിപ്പെടുമെന്ന് പറഞ്ഞതോടെയാണ് യുവതിയെ ചുട്ടുകൊന്നതെന്ന് പോലീസ് വ്യക്തമാക്കി. എന്നാല്‍ യുവതിയുടെയും യുവാവിന്റെയും കുടുംബങ്ങള്‍ തമ്മില്‍ കുടിപ്പകയുണ്ടായിരുന്നോ എന്ന കാര്യവും പോലീസ് അന്വേഷിക്കുന്നുണ്ട്.
