ഉത്തരാഖണ്ഡ് മഴക്കെടുതിയില്‍ മരണം 52 ആയി. അതേസമയം മൂന്നുദിവസത്തിനിടെ എണ്ണായിരത്തോളം പേരെ ദുരന്ത നിവാരണ സേന രക്ഷപ്പെടുത്തിയിട്ടുണ്ട്. അതേസമയം ലാംഖാഗ ചുരത്തില്‍ അപകടത്തില്‍ പ്പെട്ട 11അംഗ ട്രക്കിങ് സംഘത്തെ രക്ഷപ്പെടുത്തിയിട്ടുണ്ട്. നേരത്തേ നൈനിറ്റാള്‍ ജില്ല ഒറ്റപ്പെട്ടിരുന്നു. മരണപ്പെട്ടവരുടെ കുടുംബാംഗങ്ങള്‍ക്ക് നാലുലക്ഷം രൂപ നഷ്ടപരിഹാരം നല്‍കുമെന്ന് മുഖ്യമന്ത്രി പുഷ്‌കര്‍ സിങ് ധാമി അറിയിച്ചിട്ടുണ്ട്.