അനുബന്ധ വാര്ത്തകള്
- കടല്ക്കൊല കേസില് ബോട്ടിലുണ്ടായിരുന്ന എല്ലാവരും നഷ്ടപരിഹാരത്തിന് അര്ഹരെന്ന് സുപ്രീം കോടതി
- തലശ്ശേരിയിൽ ലഹരിമാഫിയയുടെ ഇരട്ടക്കൊല: മുഖ്യപ്രതി പറായി ബാബു പിടിയിൽ
- പഞ്ചാബില് നാലു യുവതികള് ചേര്ന്ന് യുവാവിനെ തട്ടിക്കൊണ്ടുപോയി കൂട്ടബലാല്സംഗം ചെയ്തു
- രണ്ടരവയസുകാരനെ കോഴി കൊത്തി; ഉടമയ്ക്കെതിരെ കേസെടുത്ത് പൊലീസ് ! സംഭവം കൊച്ചിയില്
- വീട്ടിലെ നാലുപേരെ കുത്തിക്കൊലപ്പെടുത്തി ലഹരിക്ക് അടിമയായ യുവാവ്
മുസ്ലീം വിദ്യാർഥിയെ അജ്മൽ കസബ് എന്ന് വിളിച്ച് പ്രൊഫസർ, വീഡിയോ വൈറലായതോടെ സസ്പെൻഷൻ
ബെംഗളൂരു: ക്ലാസിലിരുന്ന മുസ്ലീം വിദ്യാർഥിയെ തീവ്രവാദിയായ അജ്മൽ കസബിൻ്റെ പേരിൽ സംബോധന ചെയ്ത പ്രൊഫസറെ സസ്പെൻഡ് ചെയ്തു. കർണാടകയിലെ ഉഡുപ്പിയിലെ മണിപ്പാൽ ഇൻസ്റ്റിറ്റ്യൂട് ഓഫ് ടെക്നോളജിയിലായിരുന്നു സംഭവം.
ക്ലാസ് എടുക്കുന്നതിനിടെ ഒന്നാം വർഷ എഞ്ജിനിയറിങ് വിദ്യാർഥിയെ അധ്യാപകൻ അജ്മൽ കസബ് എന്ന പേരിൽ സംബോധന ചെയ്യുകയായിരുന്നു. ഇതിൻ്റെ വീഡിയോ സമൂഹമാധ്യമങ്ങളിൽ വൈറലായിർഉന്നു. ഇതോടെയാണ് പ്രൊഫസർക്കെതിരെ നടപടിയുണ്ടായത്. അധ്യാപകൻ്റെ നടപടി സ്വീകാര്യമല്ലെന്നും നിങ്ങളുടെ മകനോട് ഇത്തരത്തിൽ നിങ്ങൾ സംസാരിക്കുമോ എന്നും തീവ്രവാദിയെന്ന് വിളിക്കുമോ എന്നും വിദ്യാർഥി അധ്യാപകനോട് ചോദിക്കുന്നത് ദൃശ്യങ്ങളിൽ കാണാം.
വിദ്യാർഥിയുടെ പ്രതികരണത്തിന് പിന്നാലെ അധ്യാപകൻ ക്ഷമാപണം നടത്തി. എന്നാൽ ക്ഷമ പറഞ്ഞതുകൊണ്ട് മാത്രം ഉള്ളിലെ ചിന്താഗതിയും വ്യക്തിത്വവും മാറാൻ പോകുന്നില്ലെന്നും വിദ്യാർഥി പറയുന്നു. തന്നെ അധ്യാപകൻ വംശീയമായി അധിക്ഷേപിക്കാൻ ശ്രമിച്ചെന്ന് കരുതുന്നില്ലെന്നും അധ്യാപകൻ്റെ പ്രവർത്തിയെ താൻ വിട്ടുകളയുകയാണെന്നും വിദ്യാർഥി പറയുന്നു.
അതേസമയം സംഭവത്തിൽ മണിപ്പാൽ അക്കാദമി ഓഫ് ഹയർ എജ്യുക്കേഷൻ അന്വേഷണത്തിന് ഉത്തരവിട്ടു. ഇത്തരം പെരുമാറ്റങ്ങളെ അംഗീകരിക്കില്ലെന്നും ഇത്തരം സംഭവങ്ങളെ സ്ഥാപനത്തിൻ്റെ നയങ്ങൾക്കനുസരിച്ച് കൈകാര്യം ചെയ്യുമെന്നും ഉന്നത വിദ്യാഭ്യാസ സമിതി വ്യക്തമാക്കി.
