അനുബന്ധ വാര്ത്തകള്
- ഓസ്ട്രേലിയ ഒന്ന് മനസിലാക്കണം: വീണുകിടക്കുന്ന തങ്ങൾക്ക് മേലെ കയറി ഇറങ്ങാൻ അനുവദിക്കുന്ന ടീമല്ല ഇന്ത്യ
- ആദായനികുതി റിട്ടേൺ സമർപ്പിക്കുന്നതിനുള്ള തീയതി നീട്ടി
- ഇന്ത്യ തുടങ്ങികഴിഞ്ഞു, ഇനി നിർത്തില്ല, മടക്കം കപ്പുമായി മാത്രം: ജഡേജ
- നിയമസഭാ തിരഞ്ഞെടുപ്പിനായുള്ള ഇലക്ട്രോണിക് വോട്ടിംഗ് മെഷീനുകള് പാലക്കാട് ജില്ലയിലെത്തി
- വാർണർ തിരിച്ചെത്തുന്നു, മൂന്നാം ടെസ്റ്റിൽ തിരിച്ചുവരവിനൊരുങ്ങി ഓസ്ട്രേലിയ
ബഹിരാകാശത്തെ സമാധാനപരമായ സഹകരണത്തിനുള്ള ഇന്ത്യ -ഭൂട്ടാന് ധാരണാപത്രത്തിന് കേന്ദ്ര മന്ത്രി സഭയുടെ അംഗീകാരം
ബഹിരാകാശം സമാധാനപരമായ പ്രവര്ത്തനങ്ങള്ക്കായി ഉപയോഗിക്കുന്നതിന് സഹകരിക്കുന്നതിന് ഇന്ത്യയും ഭൂട്ടാനും തമ്മില് ഒപ്പുവെച്ച ധാരണാപത്രത്തിന് ഇന്ന് പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ചേര്ന്ന കേന്ദ്ര മന്ത്രിസഭാ യോഗം അംഗീകാരം നല്കി. 2020 നവംബര് 19 നാണ് ബംഗളൂരുവിലും തിമ്പുവിലുമായി ഒപ്പുവെച്ച കരാര് ഇരുരാജ്യങ്ങളും കൈമാറിയത്.
ഭൂമിയുടെ റിമോട്ട് സെന്സിംഗ്, ഉപഗ്രഹ ആശയവിനിമയം, ഉപഗ്രഹാധിഷ്ഠിത നാവിഗേഷന്, ബഹിരാകാശശാസ്ത്രം, ഗ്രഹ പര്യവേക്ഷണം, ബഹിരാകാശ സംവിധാനങ്ങളുടെ ഉപയോഗം, ബഹിരാകാശ സാങ്കേതിക വിദ്യയുടെ ഉപയോഗം എന്നിവയില് പരസ്പര സഹകരണത്തിന് ധാരണ പത്രം ലക്ഷ്യമിടുന്നു.
ബഹിരാകാശ വകുപ്പ്/ ഐഎസ്ആര്ഒ എന്നിവിടങ്ങളിലെ അംഗങ്ങളും , ഭൂട്ടാന് വാര്ത്താവിനിമയ, കമ്യൂണിക്കേഷന്സ് മന്ത്രാലയത്തിലെ അംഗങ്ങളും ചേര്ന്ന് സംയുക്ത പ്രവര്ത്തക സമിതി രൂപീകരിക്കാന് ധാരണപത്രം വഴിയൊരുക്കും. പദ്ധതി ആസൂത്രണം,നിര്വഹണം സമയ ദൈര്ഘ്യം എന്നിവ നിശ്ചയിക്കുന്നതിന് ഈ പ്രവര്ത്തകസമിതി സഹായിക്കും.
