അനുബന്ധ വാര്ത്തകള്
- നടന് ദിലീപിന്റെ ജാമ്യം റദ്ദാക്കണമെന്ന ഹര്ജിയില് കോടതി ഇന്ന് വാദം കേള്ക്കും
- നടിയെ ആക്രമിച്ച കേസില് ഒരു പ്രതിയെകൂടി മാപ്പുസാക്ഷിയാക്കി
- കത്തുന്ന വില: തുടര്ച്ചയായ പത്താംദിവസവും സംസ്ഥാനത്ത് ഇന്ധനവില കൂട്ടി
- കേരളത്തില് നിന്നെത്തുന്നവര്ക്ക് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി കര്ണാടക
- ഇനി കെഎസ്ആര്ടിസിയുടെ പമ്പുകളില് നിന്ന് പൊതുജനങ്ങള്ക്കും ഇന്ധനം ലഭിക്കും
21 ഡോക്ടര്മാരുടെ കഠിന പരിശ്രമം: 15കാരിയുടെ കഴുത്തിലും നെഞ്ചിലും പടര്ന്ന 3.5 കിലോ ഭാരമുള്ള മുഴ നീക്കം ചെയ്തു
21 ഡോക്ടര്മാരുടെ കഠിന പരിശ്രമത്തിന്റെ ഫലമായി 15കാരിയുടെ കഴുത്തിലും നെഞ്ചിലും പടര്ന്ന 3.5 കിലോ ഭാരമുള്ള മുഴ നീക്കം ചെയ്തു. ബെംഗളൂരുവിലെ ആസ്റ്റര് സിഎംഐ ആശുപത്രിയിലാണ് വിജയകരമായ ശസ്ത്രക്രിയ നടന്നത്. ഗുജറാത്ത് അര്മേലി സ്വദേശിയായ സുര്ബി ബെന് ആണ് ശസ്ത്രക്രിയക്ക് വിധേയയായത്. മുഴ കളയുന്നതിന്റെ ഭാഗമായി ഒരു വര്ഷത്തോളം അഞ്ചോളം ശസ്ത്രക്രിയക്ക് സുര്ബി വിധേയയായിട്ടുണ്ടായിരുന്നു.
2020 ജനുവരിയിലായിരുന്നു സുര്ബി ആശുപത്രിയില് എത്തിയത്. ആ സമയത്ത് പെണ്കുട്ടിയുടെ കഴുത്തില് മൂന്ന് മുഴ ഉണ്ടായിരുന്നതായും ശസ്ത്രക്രിയ നടത്തിയ ഡോക്ടര് പറയുന്നു. മുഴകാരണം ദൈനംദിന കാര്യങ്ങള് സുര്ബിക്ക് ചെയ്യാന് കഴിയാതെ വരുകയും 2019ല് സ്കൂളില് പോകാനും കഴിയാതെയായി. തനിക്ക് സാധാര വസ്ത്രങ്ങള് ധരിക്കാന് കഴിയാതെ വരുകയും മറ്റുള്ളവരില് നിന്നുള്ള പരിഹാസങ്ങള് കേള്ക്കേണ്ടി വന്നിട്ടുള്ളതായും സുര്ബി പറയുന്നു. വേദന കൊണ്ട് സ്കൂള് പഠനവും ഉപേക്ഷിക്കേണ്ടി വന്നു. എന്നാല് ഇപ്പോള് എല്ലാത്തിലും വ്യത്യാസം വന്നതായി സന്തോഷത്തോടെ പെണ്കുട്ടി പറയുന്നു.
