മഹബൂബ്‌ നഗര്‍|
VISHNU N L|
Last Modified ശനി, 18 ജൂലൈ 2015 (13:04 IST)
ഹൈദരാബാദില്‍ നവജാത ശിശുവിനെ പന്നികള്‍ കൊന്നുതിന്നു. ഹൈദരാബാദിലെ
മഹബൂബ്‌ നഗറിലാണ് ദാരുണ സംഭവം നടന്നത്. സ്ഥലത്തെ ഒരു കുടില്‍ താമസിക്കുന്ന യുവതിയുടെ അഞ്ചുമാസം പ്രായമുള്ള മകളെയാണ്
പന്നികള്‍ ഭക്ഷണമാക്കിയത്. തെരുവില്‍ അലഞ്ഞു തിരിഞ്ഞു നടക്കുന്ന പന്നികളാണ് ഇത് ചെയ്തത്. ഇവരുടെ കുടിലിന്‌ വാതിലോ മറ്റ്‌ സുരക്ഷാ സാഹചര്യങ്ങളോ ഉണ്ടായിരുന്നില്ല.
കുട്ടിയുടെ മാതാവ്‌ ദിവസവേതനത്തിന്‌ ജോലിനോക്കിവരുകയായിരുന്നു. മകളെ കുടിലില്‍
കിടത്തിയശേഷം മാതാവ്‌ ജോലിക്ക്‌ പോയതിനിടയിലാണ്‌ സംഭവം. യുവതി ജോലിക്കായി പോകുന്ന സമയം കുട്ടിയെ നോക്കുന്ന ചുമതല വഹിച്ചിരുന്നത്‌ മൂത്ത മകളായ 11കാരിയാണ്‌. എന്നാല്‍ ഈ സമയം പെണ്‍കുട്ടി എന്തോന്‍ കാര്യത്തിന് പുറത്തേക്ക് പോയ സമയത്ത് തെരുവിലൂടെ അലഞ്ഞുനടന്നിരുന്ന പന്നികള്‍ കുടിലില്‍ കടന്ന്‌ നവജാത ശിശുവിനെ ഭക്ഷണമാക്കുകയായിരുന്നു.
പെണ്‍കുട്ടി പുറത്തുപോയി തിരികെയെത്തുമ്പോള്‍ നവജാത ശിശുവിനെ പന്നികള്‍ ഭക്ഷണമാക്കിയിരുന്നു. കുട്ടിയുടെ ശരീരത്തിന്റെ പകുതിയോളം പന്നികള്‍ തിന്നുതീര്‍ത്തു. കൊല്ലപ്പെട്ട കുട്ടി യുവതിയുടെ അഞ്ചാമത്തെ മകളാണ്‌. കടബാധ്യതമൂലം ഇവരുടെ ഭര്‍ത്താവ്‌ എസ്‌. നര്‍സിമലും നാലു മാസങ്ങള്‍ക്കുമുമ്പ്‌ ആത്മഹത്യ ചെയ്‌തിരുന്നു.
