അസാനി ചുഴലിക്കാറ്റിനെ തുടര്‍ന്ന് വിമാനസര്‍വീസുകളും ട്രെയിന്‍ സര്‍വീസുകളും വെട്ടിച്ചുരുക്കി. വിശാഖപട്ടണം, വിജയവാഡ വിമാനത്താവളങ്ങളിലെ സര്‍വീസുകളാണ് വെട്ടിച്ചുരുക്കിയത്. അതേസമയം വിശാഖപട്ടണം വഴിയുള്ള നിരവധി ട്രെയിന്‍ സര്‍വീസുകള്‍ നിര്‍ത്തലാക്കുകയും ചെയ്തിട്ടുണ്ട്. ആന്ധ്രയുടെ തീരമേഖലയില്‍ ശക്തമായ മഴയാണ് ലഭിച്ചത്. കൂടാതെ അഞ്ചുജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.