1993ല് റിലീസായ ധ്രുവം മമ്മൂട്ടിയുടെ ഏറ്റവും കരുത്തുറ്റ ഒരു കഥാപാത്രത്തെയാണ് മലയാള സിനിമയ്ക്ക് സംഭാവന ചെയ്തത്. നരസിംഹ മന്നാഡിയാര് എന്ന കഥാപാത്രത്തെ മലയാളികള്ക്ക് ഒരിക്കലും മറക്കാനാവില്ല. അധികാരത്തിന്റെയും മനുഷ്യത്വത്തിന്റെയും അവതാരരൂപമാണ് മന്നാഡിയാര്. എസ് എന് സ്വാമിയുടെ തിരക്കഥയില് വിരിഞ്ഞ ഈ കഥാപാത്രത്തിന്റെ ചുവടുപിടിച്ച് പിന്നീട് സൂപ്പര്താരങ്ങള് തന്നെ എത്രയോ വേഷങ്ങള് കെട്ടിയാടി.
