ദൃശ്യം പോലെ ദൃശ്യം മാത്രം, മോഹന്‍ലാലിനെപ്പോലെ അദ്ദേഹം മാത്രം!
PRO
അറുപത് ദിവസം കൊണ്ട് ദൃശ്യത്തിന്‍റെ ഗ്രോസ് കളക്ഷന്‍ 57 കോടിയിലധികം രൂപയാണ്. കേരളത്തിലെ 104 തിയേറ്ററുകളില്‍ റിലീസ് ഡേറ്റിലുണ്ടായ ജനത്തിരക്കിന്‍റെ ഇരട്ടിയോളമാണ് ഇപ്പോഴും ഉണ്ടാകുന്നത് എന്നത് അത്ഭുതമല്ലാതെ മറ്റെന്ത്? അവധി ദിനങ്ങളാണെങ്കില്‍ മുന്‍‌കൂര്‍ ബുക്ക് ചെയ്തില്ലെങ്കില്‍ ഈ തിയേറ്ററുകളുടെയൊന്നും അടുത്തുപോയിട്ട് ഒരു കാര്യവുമില്ല.
വിതരണക്കാരുടെ ഷെയറിന്‍റെ കാര്യത്തില്‍ കേരളത്തിലെ തൊണ്ണൂറുശതമാനം തിയേറ്ററുകളിലും പുതിയ റെക്കോര്‍ഡ് സ്ഥാപിച്ചിരിക്കുകയാണ് ദൃശ്യം. എറണാകുളം നഗരത്തില്‍ നിന്ന് മാത്രം മൂന്നുകോടി രൂപയിലധികമാണ് ദൃശ്യത്തിന്‍റെ കളക്ഷന്‍. കോഴിക്കോട്ട് രണ്ടുകോടിയിലേറെയായി കളക്ഷന്‍.
