ദൃശ്യം പോലെ ദൃശ്യം മാത്രം, മോഹന്‍ലാലിനെപ്പോലെ അദ്ദേഹം മാത്രം!
WEBDUNIA|
PRO
ദൃശ്യത്തിന്‍റെ പകിട്ട് ദിനം‌തോറും വര്‍ദ്ധിക്കുകയാണ്. ആ സിനിമ മലയാള സിനിമയുടെ ചരിത്രത്തെ രണ്ടായി വിഭജിച്ചു - ദൃശ്യത്തിന് മുമ്പും ദൃശ്യത്തിന് ശേഷവും! റീമേക്കുകളുടെയും വമ്പന്‍ താരങ്ങളുടെയും കോടികളുടെ ബജറ്റിന്‍റെയുമൊക്കെ വരും‌കാല കഥകള്‍ അവിടെ നില്‍ക്കട്ടെ. ഇവിടെ, ദൃശ്യം എന്ന ചെറുചിത്രം സ്വയം ഒരത്ഭുതമായി മാറിയതിന്‍റെ വിശേഷങ്ങളാണ് പറയുന്നത്.
മുംബൈയിലും ബാംഗ്ലൂരിലും ബംഗാളിലും ആന്ധ്രയിലുമൊക്കെ മലയാളികളല്ലാത്ത പ്രേക്ഷകര്‍ ഇംഗ്ലീഷ് സബ്ടൈറ്റുകളിലൂടെ ദൃശ്യം ആസ്വദിക്കുകയാണ് എന്നതാണ് പുതിയ വിശേഷം. ദൃശ്യത്തെ ഭാഷയുടെ പരിമിതികള്‍ മറന്ന് ലോകം സ്വന്തമാക്കിയിരിക്കുന്നു. ഒപ്പം ജീത്തു ജോസഫ് എന്ന സംവിധായകനും ഭാഷകള്‍ക്കപ്പുറത്തേക്ക് വളരുകയാണ്. മോഹന്‍ലാല്‍ എന്ന നടന്‍ ഇന്ത്യയിലെമ്പാടും വീണ്ടും വിസ്മയമാകുകയാണ്!
