2013ല് ആറുമാസം പിന്നിടുന്ന മലയാള സിനിമ, ചിത്രങ്ങളുടെ എണ്ണത്തിന്റെ കാര്യത്തില് വന് മുന്നേറ്റമാണ് നടത്തിയിരിക്കുന്നത്. ഇതുവരെ 76 മലയാള സിനിമകളാണ് റിലീസായത്. പത്തോളം അന്യഭാഷാ ചിത്രങ്ങള് മൊഴിമാറ്റി പ്രദര്ശനത്തിനെത്തി. എന്നാല് നേട്ടമുണ്ടാക്കിയവയുടെ കണക്കെടുത്താല് ഞെട്ടുക തന്നെ ചെയ്യും. 76 മലയാള സിനിമകള് പ്രദര്ശനത്തിനെത്തിയപ്പോള് അതില് 16 സിനിമകള് മാത്രമാണ് മുടക്കുമുതല് തിരിച്ചുപിടിച്ചത്. മറ്റ് 60 സിനിമകളും നഷ്ടമായി. ഇത്രയും ചിത്രങ്ങള്ക്കായി നൂറുകോടിക്കുമേല് നഷ്ടമുണ്ടായെന്നാണ് വിലയിരുത്തല്.
