മുഖ്യമന്ത്രിയുടെ പൈലറ്റ് വാഹന ഡ്രൈവര്ക്ക് മര്ദ്ദനം
വിഴിഞ്ഞം|
WEBDUNIA|
PRO
PRO
മുഖ്യമന്ത്രിയുടെ പൈലറ്റ് വാഹന ഡ്രൈവര്ക്ക് വിഴിഞ്ഞം എസ്ഐ യുടെ മര്ദ്ദനം ഏറ്റതായി പരാതി. മര്‍ദ്ദനമേറ്റ ഡ്രൈവര്‍ ഷൈന്‍ ജോര്‍ജ്ജ് (30) ജനറല്‍ ആശുപത്രിയില്‍ ചികിത്സയിലാണിപ്പോള്‍.
മുഖ്യമന്ത്രിയുടെ പൈലറ്റ് വാഹന വ്യൂഹത്തീലെ ഡ്രൈവറും എആര്‍ ക്യാമ്പിലെ പൊലീസുകാരനുമായ ഷൈന്‍ ജോര്‍ജ്ജ് ഞായറാഴ്ച വിഴിഞ്ഞം മുക്കോലയില്‍ നടന്ന ഒരു അപകടത്തില്‍ പെട്ടയാളെ ആശുപത്രിയില്‍ കൊണ്ടുപോകുന്നത് സംബന്ധിച്ച് തര്‍ക്കത്തില്‍ പെട്ടതായി പറയുന്നു.
ഈ സമയം അതുവഴി വന്ന വിഴിഞ്ഞം എസ് ഐ: ജയ സനില്‍ ജോര്‍ജ്ജിനെ അകാരണമായി മര്‍ദ്ദിക്കുകയായിരുന്നെന്ന് പരാതിയില്‍ പറയുന്നു. എന്നാല്‍ പരാതി അടിസ്ഥാന രഹിതമാണെന്നും അപകടം നടന്ന സ്ഥലത്തെത്തിയ പൊലീസ് സംഘത്തില്‍ പെട്ടവരെ അപമാനിക്കുന്ന രീതിയില്‍ ഷൈന്‍ ജോര്‍ജ്ജ് പരിഹസിച്ചെന്നും ആണ്‌ എസ്ഐ പറയുന്നത്.
വാക്കുതര്‍ക്കം രൂക്ഷമായതിനെ തുടര്‍ന്ന് ഷൈന്‍ ജോര്‍ജ്ജിന്‍റെ ബൈക്കിന്‍റെ രേഖകള്‍ പരിശോധിക്കാന്‍ ആവശ്യപ്പെട്ടപ്പോള്‍ ബന്ധപ്പെട്ട രേഖകള്‍ ഇല്ലായിരുന്നുവെന്നും അതിനാല്‍ വാഹനം സ്റ്റേഷനില്‍ എത്തിക്കുകയായിരുന്നുവെന്നും ഇതിനു പ്രതികാരമായാണ്‌ മര്‍ദ്ദിച്ചുവെന്ന് ഷൈന്‍ ജോര്‍ജ്ജ് ആരോപിക്കുന്നതെന്നും എസ്ഐ പറഞ്ഞു.
