വിവാഹത്തട്ടിപ്പു വീരന്‍ പൊലീസ് പിടിയില്‍

വിഴിഞ്ഞം| WEBDUNIA|
PRO
വിവാഹത്തട്ടിപ്പു വീരന്‍ പൊലീസ് പിടിയിലായി. ആദ്യ വിവാഹം മറച്ചു വച്ച് വീണ്ടും വിവാഹം ചെയ്തതുമായി ബന്ധപ്പെട്ട കേസില്‍ കോഴിക്കോട് മാവൂര്‍ സ്വദേശി ബിനു സക്കറിയ എന്ന 37 കാരനാണു പൊലീസ് പിടിയിലായത്.

കണ്ണൂര്‍ സ്വദേശിനിയെ വിവാഹം ചെയ്തതില്‍ സക്കറിയയ്ക്ക് രണ്ട് കുട്ടികളുണ്ട്. ഇയാള്‍ തിരുവനന്തപുരത്ത് സുഹൃത്തിനെ കാണാനെത്തിയപ്പോള്‍ യാദൃശ്ചികമായി വിഴിഞ്ഞം സ്വദേശിനിയായ യുവതിയുമായി പരിചയപ്പെടുകയും താന്‍ അനാഥനാണെന്നു പറയുകയും ചെയ്തു. പിന്നീട് പരിചയം അടുപ്പമാവുകയും യുവതിയെ വിവാഹം ചെയ്യുകയും ചെയ്തു.

ഇടയ്ക്കിടെ ജോലിക്കു പോകുന്നു എന്ന് പറഞ്ഞ് ഇയാള്‍ ആദ്യ ഭാര്യയുടെ വീട്ടിലെത്തിയിരുന്നു. അവിടെയും ജോലിക്കു പോകുന്നു എന്ന് പറഞ്ഞ് രണ്ടാമത്തെ ഭാര്യയുടെ വീട്ടിലെത്തും. ഇങ്ങനെ രണ്ടു കൂട്ടരേയും പറ്റിച്ചിരുന്നു.

എന്നാല്‍ ഇതിനിടെ സംശയം തോന്നിയ ആദ്യ ഭാര്യയുടെ സഹോദരന്‍ പൊലീസ് മുഖാന്തിരം നടത്തിയ അന്വേഷണത്തില്‍ സക്കറിയ വിഴിഞ്ഞത്ത് വിവാഹം കഴിച്ച വിവരം അറിയാന്‍ കഴിഞ്ഞു. ഇതിനെ തുടര്‍ന്ന് നല്‍കിയ പരാതില്‍ സക്കറിയയെ വിഴിഞ്ഞം സി ഐ സ്റ്റുവര്‍ട്ട് കീലറും സംഘവും അറസ്റ്റ് ചെയ്തു.


ഇതിനെക്കുറിച്ച് കൂടുതല്‍ വായിക്കുക :