തിരുവനന്തപുരം|
Last Modified ചൊവ്വ, 9 ഫെബ്രുവരി 2016 (15:41 IST)
കഴിഞ്ഞ അഞ്ചുവര്‍ഷത്തിനിടയില്‍ കെ എസ് ഇ ബിയുടെ കടബാധ്യത അഞ്ചിരട്ടി വര്‍ദ്ധിച്ചു. വൈദ്യുതമന്ത്രി ആര്യാടന്‍ മുഹമ്മദ് നിയമസഭയില്‍ അറിയിച്ചതാണ് ഇക്കാര്യം.
കെ എസ് ഇ ബിക്ക് നിലവിലുള്ള കുടിശ്ശിക 785.98 കോടി രൂപയാണ്. ജല അതോറിറ്റി മാത്രം 576.45 കോടി രൂപ കുടിശ്ശിക തീര്‍ക്കാനുണ്ട്. ഈ സര്‍ക്കാരിന്‍റെ കാലത്ത് ലക്‍ഷ്യമിട്ട ഊര്‍ജ്ജോത്പാദനം കൈവരിക്കാനായില്ലെന്നും ആര്യാടന്‍ വ്യക്തമാക്കി.
വൈദ്യുതി ബോര്‍ഡ് ഇങ്ങനെ പോയാല്‍ ഇത് എവിടെച്ചെന്ന് അവസാനിക്കുമെന്നാണ് ജനങ്ങള്‍ ചോദിക്കുന്നത്. അടുത്ത സര്‍ക്കാരെങ്കിലും അതിന് ഉത്തരം പറയുമെന്ന് കരുതാം.
