പ്രായപൂര്‍ത്തിയാവാത്ത ആദിവാസി പെണ്‍കുട്ടികളെ പീഡിപ്പിച്ച കേസില്‍ മൂന്ന് പേര്‍ അറസ്റ്റില്‍. പുല്‍പ്പള്ളി പാലമൂല പോട്ടക്കാലില്‍ പി ടി വാവ(27), പുല്‍പ്പള്ളി ചെറ്റപ്പാലം അരയന്‍കോണത്ത് ബാലു(23), പാക്കം നരിതൂക്കി നായ്ക്കകോളനിയിലെ സിന്ധു(20) എന്നിവരാണ് അറസ്റ്റിലായത്.

കഴിഞ്ഞ മാസം 28 ന് നരിതൂക്കി നായ്ക്ക കോളനിയിലെ പതിനാലും പതിനാറും വയസുള്ള രണ്ട് പെണ്‍കുട്ടികളെ പുല്‍പ്പള്ളി പാലമൂലയിലെ വീട്ടില്‍ വെച്ച് ഓട്ടോ ഡ്രൈവര്‍ വാവ പീഡിപ്പിച്ചുവെന്നാണ് കേസ്. പീഡനത്തിന് കൂട്ട് നിന്നതിനാണ് ബാലുവിനെയും സിന്ധുവിനെയും അറസ്റ്റ് ചെയ്തത്.

പെണ്‍കുട്ടികള്‍ വീട്ടില്‍ എത്താത്തതിനെതുടര്‍ന്ന് ബന്ധുക്കള്‍ നടത്തിയ അന്വേഷണത്തില്‍ പുല്‍പ്പള്ളി ബസ് സ്റ്റാന്റില്‍ വെച്ച് പൊലീസ് കണ്ടെത്തുകയും ചൈല്‍ഡ് വെല്‍ഫയര്‍ കമ്മിറ്റിയ്ക്ക് കൈമാറുകയുമായിരുന്നു. തുടര്‍ന്ന് പീഡനവിവരം മനസിലായതിനെ തുടര്‍ന്ന് പൊലീസ് കേസെടുത്ത് അന്വേഷണമാരംഭിക്കുകയായിരുന്നു.