അനുബന്ധ വാര്ത്തകള്
- പരമാവധി ഇളവുകൾ നൽകുന്നുണ്ട്, വ്യാപാരികൾ മറ്റൊരു രീതിയിലേക്ക് പോയാൽ നേരിടുമെന്ന് മുഖ്യമന്ത്രി
- വാക്സിന് ചലഞ്ച്: മുഖ്യമന്ത്രിയുടെ ദുരിതാശ്വാസ നിധിയിലേക്ക് നിര്ബന്ധിത പണപ്പിരിവ് നടത്തരുതെന്ന് ഹൈക്കോടതി
- നടന് വിജയ്ക്ക് ഒരു ലക്ഷം രൂപ പിഴ,തുക രണ്ടാഴ്ചക്കുള്ളില് മുഖ്യമന്ത്രിയുടെ ദുരിതാശ്വാസനിധിയിലേക്ക് അടയ്ക്കണമെന്ന് കോടതി
- സ്വാമി പ്രകാശാനന്ദ ശ്രീനാരായണ പൈതൃകത്തിന്റെ വര്ത്തമാനകാല ചൈതന്യ ദീപ്തി: മുഖ്യമന്ത്രി
- കുട്ടികള്ക്ക് കൂടുതല് സംവാദാത്മക പഠനാന്തരീക്ഷം ഓണ്ലൈനില് ഒരുക്കുമെന്ന് മുഖ്യമന്ത്രി
മുഖ്യമന്ത്രിയുടെ പ്രസ്താവന ധിക്കാരം, ആശ്വസിപ്പിക്കേണ്ട ഭരണകൂടം വിരട്ടാൻ നോക്കുന്നോ?
സർക്കാർ ഏർപ്പെടുത്തിയിരിക്കുന്ന വിലക്ക് ലംഘിച്ച് കടകൾ തുറക്കാൻ ശ്രമിച്ചാൽ നേരിടുമെന്ന മുഖ്യമന്ത്രിയുടെ പരാമർശത്തിനെതിരെ പ്രതിപക്ഷ നേതാവ് വിഡി സതീശൻ. മനസ്സിലാക്കി കളിച്ചാൽ മതിയെന്ന മുഖ്യമന്ത്രിയുടെ പ്രസ്താവന വെല്ലുവിളിയാണെന്ന് വിഡി സതീശൻ പറഞ്ഞു.
മനസ്സിലാക്കി കളിച്ചാൽ മതിയെന്ന മുഖ്യമന്ത്രിയുടെ പ്രസ്താവന കേരളത്തിലെ വ്യാപാരികളോടും ജനത്തിനോടുമുള്ള ധിക്കാരം നിറഞ്ഞ വെലുവിളിയാണെന്നും ഇത് ഇവിടെ വിലപ്പോവില്ലെന്നും പ്രതിപക്ഷ നേതാവ് പറയുന്നു. ഫെയ്സ്ബുക്കിലൂടെയായിരുന്നു പ്രതിപക്ഷ നേതാവിന്റെ പ്രതികരണം.
വിഡി സതീശന്റെ ഫെയ്സ്ബുക്ക് പോസ്റ്റ് വായിക്കാം
മനസ്സിലാക്കി കളിച്ചാൽ മതി എന്ന ഇന്നത്തെ മുഖ്യമന്ത്രിയുടെ പ്രസ്താവന കേരളത്തിലെ വ്യാപാരികളോടും ജനങ്ങളോടുമുള്ള ധിക്കാരം നിറഞ്ഞ വെല്ലുവിളിയാണ്.
അത് കേരളത്തിൽ വിലപ്പോകില്ല.
തിരഞ്ഞെടുപ്പു കഴിഞ്ഞപ്പോൾ മോറട്ടോറിയവുമില്ല. സഹായങ്ങളുമില്ല. മനുഷ്യൻ കടക്കെണിയിൽ പെട്ട് ആത്മഹത്യയുടെ വക്കിൽ നിൽക്കുമ്പോൾ ആശ്വസിപ്പിക്കേണ്ട ഭരണകൂടം വിരട്ടാൻ നോക്കുന്നോ ?
ഇത് കേരളമാണ്. മറക്കണ്ട.
