അനുബന്ധ വാര്ത്തകള്
- സംസ്ഥാനത്ത് ഇന്ന് 14,539 പേർക്ക് കൊവിഡ്, 124 മരണം, ടെസ്റ്റ് പോസിറ്റിവിറ്റി നിരക്ക് 10.46
- മൂന്നാം തരംഗ മുന്നറിയിപ്പിനെ കാലാവസ്ഥാപ്രവചനം പോലെ കാണരുത്, ഗൗരവമായെടുക്കണമെന്ന് കേന്ദ്രം
- ഗുണത്തേക്കാൾ ദോഷം ചെയ്യുന്ന നടപടികൾ, കേരളത്തിലെ ലോക്ക്ഡൗൺ നിയന്ത്രണങ്ങൾ അശാസ്ത്രീയമെന്ന് ഐഎംഎ
- വാക്സിന് ചലഞ്ച്: മുഖ്യമന്ത്രിയുടെ ദുരിതാശ്വാസ നിധിയിലേക്ക് നിര്ബന്ധിത പണപ്പിരിവ് നടത്തരുതെന്ന് ഹൈക്കോടതി
- നടന് വിജയ്ക്ക് ഒരു ലക്ഷം രൂപ പിഴ,തുക രണ്ടാഴ്ചക്കുള്ളില് മുഖ്യമന്ത്രിയുടെ ദുരിതാശ്വാസനിധിയിലേക്ക് അടയ്ക്കണമെന്ന് കോടതി
പരമാവധി ഇളവുകൾ നൽകുന്നുണ്ട്, വ്യാപാരികൾ മറ്റൊരു രീതിയിലേക്ക് പോയാൽ നേരിടുമെന്ന് മുഖ്യമന്ത്രി
സർക്കാർ പ്രഖ്യാപിക്കുന്ന ഇളവുകൾക്ക് കാത്തുനിൽക്കില്ലെന്നും വ്യാഴാഴ്ച്ച ഉൾപ്പടെയുള്ള ദിവസങ്ങളിൽ കടകൾ തുറക്കുമെന്ന വ്യാപാരികളുടെ നിലപാടിന് മറുപടിയുമായി മുഖ്യമന്ത്രി പിണറായി വിജയൻ. കടകൾ തുറക്കണമെന്ന് തന്നെയാണ് എല്ലാവരുടെയും ആഗ്രഹമെന്നും എന്നാൽ സാഹചര്യം അതിന് സമ്മതിക്കുന്നില്ല എന്നാണ് വസ്തുത. വ്യാപാരികളുടെ വികാരം മനസ്സിലാക്കുകയും അവരുടെ ഒപ്പം നില്ക്കുകയും ചെയ്യുന്നു. എന്നാൽ മറ്റൊരു രീതിയിലേക്ക് പോയാൽ ഇതിനെ നേരിടേണ്ട രീതിയിൽ നേരിടുമെന്നും മുഖ്യമന്ത്രി മുന്നറിയിപ്പ് നൽകി.
എല്ലാ ദിവസങ്ങളിലും കടകൾ തുറക്കാൻ അനുവദിക്കില്ല. സാഹചര്യമനുസരിച്ച് പരമാവധി ഇളവുകൾ നൽകുന്നുണ്ട്. നിലവില് പ്രവര്ത്തിക്കാന് അനുമതിയുള്ള കടകള്ക്ക് എട്ട് മണി വരെ പ്രവര്ത്തനാനുമതി നല്കും. ഓൺലൈൻ പഠനം നടക്കുന്ന സാഹചര്യമുള്ളതിനാൽ കൂടുതൽ ഇലക്ട്രോണിക് കടകൾ തുറക്കാൻ അനുവദിക്കും.
സംസ്ഥാനത്ത് തിങ്കള് മുതല് വെള്ളി വരെ ബാങ്കുകളില് പൊതുജനങ്ങള്ക്ക് പ്രവേശനം അനുവദിക്കും. മൈക്രോ കണ്ടെയ്ന്മെന്റ് സോണുകള് പ്രഖ്യാപിക്കാന് കളക്ടര്മാര്ക്ക് അനുമതി നല്കാന് തീരുമാനിച്ചുവെന്നും അദ്ദേഹം പറഞ്ഞു. സംസ്ഥാനത്ത് ടിപിആർ അനുസരിച്ചുള്ള നിയന്ത്രണങ്ങൾ തുടരുമെന്നും പൊതുജനങ്ങൾ സഹകരിക്കണമെന്നും മുഖ്യമന്ത്രി പറഞ്ഞു.
