അനുബന്ധ വാര്ത്തകള്
- വണ്ണം കുറയ്ക്കാനുള്ള 2022 ലെ ട്രെന്റായ വഴികള് ഇവയാണ്
- ഇത് ഇറാഖോ, അഫ്ഗാനോ,സിറിയയോ അല്ല: സമ്പന്നരായ യൂറോപ്യന്മാർ യുദ്ധത്തിൽ മരിക്കുന്നു: പാശ്ചാത്യ ന്യൂസ് ചാനലുകളിലെ വംശീയ റിപ്പോർട്ടിങിനെതിരെ പ്രതിഷേധം
- മക്ക, മദീന ഹറമുകളിലേക്കുള്ള പ്രവേശന പ്രായപരിധി കുറച്ചു
- ഖത്തറില് കൂടുതല് ഇളവുകള് പ്രഖ്യാപിച്ചു
- പുറത്തു നിന്നും ധാരാളം ചിക്കന് കഴിക്കാറുണ്ടോ? എങ്കില് ഇക്കാര്യം അറിയണം
ഇന്ന് യുക്രൈനില് നിന്ന് 53 മലയാളി വിദ്യാര്ഥികള്കൂടി രാജ്യത്തേക്കുമടങ്ങിയെത്തി
യുക്രെയിനില്നിന്ന് 53 മലയാളി വിദ്യാര്ഥികള്കൂടി രാജ്യത്തേക്കു മടങ്ങിയെത്തി. ന്യൂഡല്ഹി വിമാനത്താവളം വഴി 47 പേരും മുംബൈ വിമാനത്താവളം വഴി ആറു പേരുമാണ് ഇന്ന് എത്തിയത്. ഇതോടെ 'ഓപ്പറേഷന് ഗംഗ' രക്ഷാദൗത്യം വഴി രാജ്യത്തു മടങ്ങിയെത്തിയ മലയാളി വിദ്യാര്ഥികളുടെ ആകെ എണ്ണം 184 ആയി.
ബുക്കാറസ്റ്റില്നിന്നും ബുഡാപെസ്റ്റില്നിന്നുമുള്ള രണ്ട് ഇന്ഡിഗോ വിമാനങ്ങളിലാണ് 47 മലയാളി വിദ്യാര്ഥികള് ഇന്ന്(മാര്ച്ച് 01) ഉച്ചയ്ക്കു ന്യൂഡല്ഹിയില് എത്തിയത്. ഇതില് 11 പേരെ കണ്ണൂര് വിമാനത്താവളം വഴിയും 20 പേരെ കൊച്ചി വിമാനത്താവളം വഴിയും 16 പേരെ തിരുവനന്തപുരം വിമാനത്താവളം വഴിയും ഇന്നുതന്നെ നാട്ടിലെത്തിക്കും. രക്ഷാദൗത്യത്തിന്റെ ആദ്യ ദിനമായ ഫെബ്രുവരി 27ന് 57ഉം രണ്ടാം ദിവസം 48ഉം മലയാളി വിദ്യാര്ഥികള് ന്യൂഡല്ഹിയില് എത്തിയിരുന്നു. ബുക്കാറെസ്റ്റില്ന്നുള്ള എയര്ഇന്ത്യാ വിമാനം ഇന്ന് രാത്രി 9.20ന് ഡല്ഹിയില് എത്തുന്നുണ്ട്. ഈ വിമാനത്തിലും മലയാളി വിദ്യാര്ഥികള് ഉണ്ട്. ഡല്ഹി വിമാനത്താവളം വഴി ഇതുവരെ 152 മലയാളി വിദ്യാര്ഥികള് മടങ്ങിയെത്തിയിട്ടുണ്ട്.
