പാറശാലയില്‍ കാമുകി നല്‍കിയ ജ്യൂസുകുടിച്ച് യുവാവ് മരണപ്പെട്ട സംഭവത്തില്‍ യുവാവിന്റെ കുടുംബം ഹൈക്കോടതിയിലേക്ക്. ലോക്കല്‍ പൊലീസിന്റെ അന്വേഷണം കാര്യക്ഷമമല്ലെന്നും ക്രൈംബ്രാഞ്ച് അന്വേഷിക്കണമെന്നാവശ്യപ്പെട്ടാണ് കുടുംബം കോടതിയിലേക്ക് പോകുന്നത്. രണ്ടുദിവസത്തിനുള്ളില്‍ അന്വേഷണത്തില്‍ പുരോഗതിയില്ലെങ്കില്‍ ഹൈക്കോടതിയെ സമീപിക്കാനാണ് തീരുമാനം.

ഷാരോണ്‍ എന്ന യുവാവാണ് ചികിത്സയിലിരിക്കെ മരിച്ചത്. കാമുകിയുടെ വീട്ടില്‍ നിന്ന് ജ്യൂസും കഷായവും കുടിച്ച ശേഷം ആരോഗ്യസ്ഥിതി വഷളാകുകയായിരുന്നു.