അനുബന്ധ വാര്ത്തകള്
- 'ഡേ നൈറ്റ് ടെസ്റ്റ് ഇന്ത്യയ്ക്ക് ഒട്ടും എളുപ്പമായിരിയ്ക്കില്ല, ഇംഗ്ലണ്ട് ശക്തമായി തിരിച്ചുവരും'
- ഒന്ന് ശ്രമിച്ചുനോക്കിയതാ, സ്റ്റീവ് സ്മിത്തിനെ 2.2 കോടിയ്ക്ക് ലഭിച്ചപ്പോൾ ശരിയ്കും ഞെട്ടി
- 20ലക്ഷം കൊവിഷീല്ഡ് വാക്സിന് ഇന്ത്യയില് നിന്ന് വാങ്ങുമെന്ന് നേപ്പാള്
- കഴിഞ്ഞ 24മണിക്കൂറിനിടെ രാജ്യത്ത് കൊവിഡ് വാക്സിന് സ്വീകരിച്ചത് ആറര ലക്ഷത്തിലധികം പേര്
- രാജ്യത്ത് ഒരുകോടിയിലധികം പേര് കൊവിഡ് വാക്സിന് സ്വീകരിച്ചു
സ്റ്റേജ് കാര്യേജ് ബസ്സുകളുടെയും കോണ്ട്രാക്റ്റ് കാര്യേജ് ബസ്സുകളുടെയും 2021 ജനുവരി ഒന്നിന് ആരംഭിച്ച ത്രൈമാസ വാഹന നികുതി പൂര്ണ്ണമായും ഒഴിവാക്കാന് തീരുമാനിച്ചു
സംസ്ഥാനത്തെ സ്റ്റേജ് കാര്യേജ് ബസ്സുകളുടെയും കോണ്ട്രാക്റ്റ് കാര്യേജ് ബസ്സുകളുടെയും 2021 ജനുവരി ഒന്നിന് ആരംഭിച്ച ത്രൈമാസ വാഹന നികുതി പൂര്ണ്ണമായും ഒഴിവാക്കാന് തീരുമാനിച്ചതായി ഗതാഗത മന്ത്രി എ.കെ.ശശീന്ദ്രന് അറിയിച്ചു. ദീര്ഘകാല കുടിശ്ശികയുള്ള മോട്ടോര് വാഹന നികുതി തുക തവണകളായി അടയ്ക്കുന്നതിന് എല്ലാവിധ വാഹന ഉടമകള്ക്കും അനുവാദം നല്കിയതായും മന്ത്രി അറിയിച്ചു.
സംസ്ഥാന സര്ക്കാരിന്റെ സാന്ത്വന സ്പര്ശം അദാലത്തില് പങ്കെടുത്ത നിരവധി ആളുകളുടെ ആവശ്യമായിരുന്നു കുടിശ്ശിക വാഹന നികുതി അടയ്ക്കാന് സാവകാശം അനുവദിക്കണമെന്നത്. നികുതി കുടിശ്ശികയായതിനാല് വാഹനം ഓടിക്കാന് സാധിക്കാതെ പ്രയാസം അനുഭവിക്കുന്ന നിരവധി വാഹന ഉടമകള്ക്ക് ആശ്വാസം നല്കുന്നതാണ് തീരുമാനം. എല്ലാ വിധത്തില്പെട്ട വാഹന ഉടമകള്ക്കും ആനുകൂല്യം ഉപയോഗപ്പെടുത്താം. ആറ് മാസം മുതല് ഒരു വര്ഷം വരെയുള്ള കുടിശ്ശിക മാര്ച്ച് 20 മുതല് ആറ് മാസ തവണകളായി അടയ്ക്കാം. ഒരു വര്ഷം മുതല് രണ്ട് വര്ഷം വരെയുള്ള കുടിശ്ശിക തുക മാര്ച്ച് 20 മുതല് എട്ട് മാസ തവണകളായും രണ്ട് വര്ഷം മുതല് നാല് വര്ഷം വരെയുള്ള കുടിശ്ശിക തുക പത്ത് മാസ തവണകളായും അടയ്ക്കാം.
