അനുബന്ധ വാര്ത്തകള്
- ജമ്മുകശ്മീരില് ബിജെപി നേതാവിനെയും കുടുംബാംഗങ്ങളെയും തീവ്രവാദികള് കൊലപ്പെടുത്തി
- കന്നട നടന് സുശീല് ഗൗഡ ആത്മഹത്യചെയ്ത നിലയില്
- തമിഴ്നാട്ടിലേക്കും തിരിച്ചുമുള്ള മത്സ്യബന്ധനം തടയുന്നതിനായി പൂന്തുറയില് കമാന്റോകളെ വിന്യസിച്ചതായി പൊലീസ്
- ഒരാളില് നിന്ന് 120 പേര് പ്രാഥമിക സമ്പര്ക്കത്തില് വന്നു; പൂന്തുറയില് കൊവിഡ് വ്യാപനം തടയാന് നടപടികള് കൂടുതല് കര്ക്കശമാക്കുമെന്ന് മുഖ്യമന്ത്രി
- സ്വപ്ന തലസ്ഥാനത്തുതന്നെയുണ്ടെന്ന് വിവരം; സ്വര്ണം ആര്ക്കുവേണ്ടിയാണ് കടത്തിയതെന്ന് അറിയാന് കഴിയാതെ അന്വേഷണ സംഘം
പൂന്തുറയില് കര്ശന നിയന്ത്രണങ്ങള്; ജില്ലയില് മത്സ്യബന്ധനത്തിനു നിരോധനം
സമ്പര്ക്കത്തിലൂടെയുള്ള കോവിഡ് രോഗബാധിതരുടെ എണ്ണം വര്ധിക്കുന്ന പശ്ചാത്തലത്തില് തിരുവനന്തപുരം ജില്ലയുടെ തീരമേഖലയില് ഇനിയൊരറിയിപ്പ് ഉണ്ടാകുന്നതുവരെ മത്സ്യ ബന്ധന പ്രവര്ത്തനങ്ങള് നിരോധിച്ചതായി ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു. ആളുകള് കൂട്ടംകൂടുന്നത് ഒഴിവാക്കുന്നതിന്റെ ഭാഗമായാണിത്. സമ്പര്ക്കത്തിലൂടെ രോഗം ബാധിച്ചവരുടെ എണ്ണം കൂടുതലുള്ള പൂന്തുറ മേഖലയില് നിയന്ത്രണങ്ങള് കര്ക്കശമാക്കിയിട്ടുണ്ട്.
ഈ മേഖലയില് നിന്നു തമിഴ്നാട്ടിലേയ്ക്കും തിരിച്ചും മത്സ്യബന്ധനത്തിനായി ബോട്ടുകളും വള്ളങ്ങളും പോകുന്നത് തടയാന് കോസ്റ്റ് ഗാര്ഡ്, കോസ്റ്റല് സെക്യൂരിറ്റി, മറൈന് എന്ഫോഴ്സ്മെന്റ് എന്നിവയ്ക്ക് നിര്ദ്ദേശം നല്കിയതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. കര്ശന രീതിയില് ട്രിപ്പിള് ലോക്ഡൗണ് നടപ്പാക്കാനും നിര്ദ്ദേശം നല്കി. ഇവിടെ സ്പെഷ്യല് ഡ്യൂട്ടിക്കായി എസ്.എ.പി കമാണ്ടന്റ് ഇന് ചാര്ജ്ജ് എല്.സോളമന്റെ നേതൃത്വത്തില് 25 കമാന്റോകളെ നിയോഗിച്ചു. ഡെപ്യൂട്ടി കമ്മീഷണര് ദിവ്യ.വി ഗോപിനാഥ്, അസിസ്റ്റന്റ് കമ്മീഷണര് ഐശ്വര്യ ദോംഗ്രേ എന്നിവര് പൂന്തുറയിലെ പോലീസ് നടപടികള്ക്ക് നേതൃത്വം നല്കും. ക്രമസമാധാന വിഭാഗം എ.ഡി.ജി.പി ഡോ.ഷെയ്ക്ക് ദെര്വേഷ് സാഹിബ് മേല്നോട്ടം വഹിക്കും.
