അനുബന്ധ വാര്ത്തകള്
- ചീഫ് സെക്രട്ടറിയുടെ ഡ്രൈവർക്ക് കൊവിഡ്, മുഖ്യമന്ത്രിയും ആരോഗ്യമന്ത്രിയും സമ്പർക്കപ്പട്ടികയിൽ
- കൂറ്റൻ പെരുമ്പാമ്പിനെ ഭക്ഷിയ്ക്കുന്ന ഉടുമ്പുകൾ, തരംഗമായി വീഡിയോ !
- കൊവിഡ് വ്യാപനം വർധിയ്ക്കുന്നു, ചിന്നസ്വാമി സ്റ്റേഡിയവും, ബെംഗളുരു പാലസും കൊവിഡ് കെയർ സെന്ററാക്കാൻ കർണാടക
- പൂന്തുറയില് കൊവിഡ് പരിശോധന വര്ദ്ധിപ്പിക്കുമെന്ന് മന്ത്രി കടകംപള്ളി സുരേന്ദ്രന്
- ടിക്ടോക്കിന് ബദലായി 'ഇൻസ്റ്റഗ്രാം റീൽസ്' ഇന്ത്യയിൽ; പ്രത്യേക ആപ്പ് വേണ്ട, സംവിധാനം ഇൻസ്റ്റഗ്രാമിൽ തന്നെ !
തിരുവനന്തപുരത്ത് സൂപ്പര് സ്പ്രെഡ് ഒഴിവാക്കാന് ആരോഗ്യ വകുപ്പ് മന്ത്രിയുടെ നേതൃത്വത്തില് ഉന്നതല യോഗം ചേര്ന്ന് ആക്ഷന് പ്ലാന് തയ്യാറാക്കി
തിരുവനന്തപുരം ജില്ലയില് കോവിഡ്-19 സമ്പര്ക്ക രോഗികളുടെ എണ്ണം കൂടിയ പശ്ചാത്തലത്തില് സൂപ്പര് സ്പ്രെഡ് ഒഴിവാക്കാന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറിന്റെ നേതൃത്വത്തില് ഉന്നതല യോഗം ചേര്ന്ന് ആക്ഷന് പ്ലാന് തയ്യാറാക്കി. മുഖ്യമന്ത്രിയുടെ നിര്ദേശത്തെ തുടര്ന്നാണ് ആക്ഷന് പ്ലാന് തയ്യാറാക്കിയത്.
സൂപ്പര് സ്പ്രെഡിലേക്ക് പോയ പൂന്തുറ ഉള്പ്പെടെയുള്ള പ്രദേശങ്ങളില് പ്രത്യേകം ക്ലസ്റ്ററായി തിരിച്ച് കര്ശന നടപടികള് സ്വീകരിക്കുന്നതാണെന്ന് മന്ത്രി വ്യക്തമാക്കി. രോഗ വ്യാപനം കൂടിയ പ്രദേശങ്ങളില് പരിശോധനകള് വ്യാപിപ്പിക്കാന് തീരുമാനിച്ചു. എത്രയും വേഗം രോഗബാധിതരെ കണ്ടെത്തുകയും അവരുമായി സമ്പര്ക്കത്തിലുള്ളവരെ ക്വാറന്റൈനിലാക്കുന്നതുമാണ്. ഇതുസംബന്ധിച്ച ഗൈഡ്ലൈന് പുറത്തിറക്കിയിട്ടുണ്ട്.
എല്ലാവരും ക്വാറന്റൈന് നിര്ദേശങ്ങള് കര്ശനമായി പാലിക്കേണ്ടതാണ്. എല്ലാ ദിവസവും യോഗം കൂടി പ്രവര്ത്തനങ്ങള് വിലയിരുത്തി നടപടികള് സ്വീകരിക്കുന്നതാണ്. രോഗബാധിത പ്രദേശങ്ങളില് വിവിധ മാര്ഗങ്ങളിലൂടെ ബോധവത്ക്കരണം ശക്തിപ്പെടുത്തുന്നതാണെന്നും മന്ത്രി വ്യക്തമാക്കി.
