അനുബന്ധ വാര്ത്തകള്
- മോഷണത്തിനിടെ കള്ളന് ഉറങ്ങിപ്പോയി; പൊലീസ് വന്നു വിളിച്ചുണര്ത്തി !
- കണ്ണൂര് സ്വദേശിയായ മൂന്നര വയസുകാരന് അമീബിക് മസ്തിഷ്ക ജ്വരം സ്ഥിരീകരിച്ചു
- ഇരുചക്ര വാഹനങ്ങളുടെ പിന്നില് ഇരുന്ന് സംസാരിച്ചാല് പിഴ ചുമത്തുമോ? വാസ്തവം അറിയാം
- സംസ്ഥാനത്ത് അഞ്ചുവര്ഷത്തിനിടെ വന്യജീവി ആക്രമണത്തില് കൊല്ലപ്പെട്ടത് 486 പേര്
- വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യുനമര്ദ്ദ പാത്തി; സംസ്ഥാനത്ത് ഇന്ന് അഞ്ചുജില്ലകളില് യെല്ലോ അലര്ട്ട്
തൃശൂരില് ജോലി ചെയ്തിരുന്ന സ്ഥാപനത്തില് നിന്ന് 20 കോടി തട്ടിച്ച് യുവതി മുങ്ങി
കമ്പനിയുടെ ഡിജിറ്റല് പേഴ്സണല് ലോണ് അക്കൗണ്ടില് നിന്നും അവരുടെ അച്ഛന്റെയും സഹോദരന്റെയും വിവിധ അക്കൗണ്ടുകളിലേക്ക് 80 ലക്ഷം രൂപ പണം ട്രാന്സ്ഫര് ചെയ്തതായി കണ്ടെത്തിയിട്ടുണ്ട്
Thrissur Scam case
തൃശൂരിലെ സ്വകാര്യ ധനകാര്യ സ്ഥാപനത്തില് നിന്ന് 20 കോടി തട്ടിച്ച് ജീവനക്കാരിയായ യുവതി മുങ്ങി. തൃശൂര് വലപ്പാട് മണപ്പുറം ഫിനാന്സ് ലിമിറ്റഡിലാണ് വന് തട്ടിപ്പ് നടന്നത്. കൊല്ലം തിരുമുല്ലവാരം സ്വദേശിനി ധന്യ മോഹന് ആണ് കോടികളുമായി മുങ്ങിയത്. 18 വര്ഷമായി യുവതി ഈ സ്ഥാപനത്തില് ജോലി ചെയ്യുകയാണ്.
വലപ്പാട് മണപ്പുറം കോംപ്ടക് ആന്റ് കണ്സള്ട്ടന്റ് ലിമിറ്റഡ് എന്ന സ്ഥാപനത്തിലെ അസിസ്റ്റന്റ് ജനറല് മാനേജരായിരുന്നു ധന്യ മോഹന്. വ്യാജ ലോണുകള് ഉണ്ടാക്കിയാണ് യുവതി സ്ഥാപനത്തില് നിന്നും കോടികള് കൈക്കലാക്കിയത്. 2019 മുതല് മണപ്പുറം ഫിനാന്സ് ലിമിറ്റഡ് കമ്പനിയില് നിന്നും വ്യാജ ലോണുകള് ഉണ്ടാക്കി പണം തട്ടിയെന്നാണ് കണ്ടെത്തല്.
കമ്പനിയുടെ ഡിജിറ്റല് പേഴ്സണല് ലോണ് അക്കൗണ്ടില് നിന്നും അവരുടെ അച്ഛന്റെയും സഹോദരന്റെയും വിവിധ അക്കൗണ്ടുകളിലേക്ക് 80 ലക്ഷം രൂപ പണം ട്രാന്സ്ഫര് ചെയ്തതായി കണ്ടെത്തിയിട്ടുണ്ട്. പിടിയിലാകും എന്ന് മനസിലാക്കിയതോടെ യുവതി ശാരീരിക ബുദ്ധിമുട്ട് ഉണ്ടെന്ന് പറഞ്ഞ് ഓഫീസില് നിന്ന് ഇറങ്ങിപ്പോയി രക്ഷപ്പെട്ടെന്നാണ് പരാതിയില് പറയുന്നത്. ഈ പണം ഉപയോഗിച്ച് യുവതി ആഡംബര വസ്തുക്കളും സ്ഥലങ്ങളും വാങ്ങിയെന്നും ആരോപണമുണ്ട്.
സംഭവത്തിനു പിന്നില് കൂടുതല് ആളുകള് ഉണ്ടെന്ന സംശയം പൊലീസിനുണ്ട്. വലപ്പാട് പൊലീസാണ് കേസ് രജിസ്റ്റര് ചെയ്തിരിക്കുന്നത്. ധനകാര്യ സ്ഥാപനത്തില് നിന്നു നഷ്ടപ്പെട്ടത് 19.94 കോടിയെന്നാണ് പൊലീസിന്റെ പ്രാഥമിക കണ്ടെത്തല്.
