ഒമിക്രോൺ: പ്രത്യേക വാക്സിനേഷൻ യജ്ഞം ആരംഭിച്ചു: വീണാ ജോർജ്
വിദേശ രാജ്യങ്ങളിൽ ഒമിക്രോൺ റിപ്പോർട്ട് ചെയ്ത സാഹചര്യത്തിൽ സംസ്ഥാനത്ത് കൊവിഡ് വാക്സിനേഷൻ യജ്ഞം ആരംഭിച്ചതായി ആരോഗ്യമന്ത്രി വീണാ ജോർജ്. മുഖ്യമന്ത്രിയുടെ നിര്ദേശ പ്രകാരമാണ് ഡിസംബര് ഒന്ന് മുതല് പതിനഞ്ച് വരെ പ്രത്യേക വാക്സിനേഷന് യജ്ഞം സംഘടിപ്പിക്കാന് തീരുമാനിച്ചത്.
തദ്ദേശ സ്വയംഭരണ സ്ഥാപന പ്രതിനിധികളുടെ സഹകരണത്തോടെ രണ്ടാം ഡോസ് വാക്സിനേഷൻ പൂർത്തീകരിക്കാൻ ബാക്കിയുള്ളവരെ കണ്ടെത്തി വാക്സിൻ നൽകുകയാണ് ലക്ഷ്യം. ഇതോടൊപ്പം ഒന്നാം ഡോസ് എടുക്കാനുള്ളവരെ കണ്ടെത്തി വാക്സിനെടുപ്പിക്കാനും ലക്ഷ്യമിടുന്നതായി മന്ത്രി വ്യക്തമാക്കി.
കൊവിഷീല്ഡ് വാക്സിന് 84 ദിവസം കഴിഞ്ഞും കൊവാക്സിന് 28 ദിവസം കഴിഞ്ഞും ഉടന് തന്നെ രണ്ടാം ഡോസ് സ്വീകരിക്കേണ്ടതാണ്. കൊവിഡ് ബാധിച്ചവര്ക്ക് 3 മാസം കഴിഞ്ഞ് മാത്രം വാക്സിനെടുത്താല് മതി. നിശ്ചിത ദിവസം കഴിഞ്ഞ് രണ്ടാം ഡോസ് വാക്സിന് എടുക്കാത്തവരെ കണ്ടെത്തി ഫീല്ഡ് തലത്തിലെ ആരോഗ്യ പ്രവര്ത്തകര്, പഞ്ചായത്ത് പ്രതിനിധികള് എന്നിവര് വീട്ടിലെത്തി വാക്സിനെടുക്കാനായി അവബോധം നല്കും.
