അനുബന്ധ വാര്ത്തകള്
- വീട്ടില് കൂത്താടി വളരുന്ന സാഹചര്യം ഉണ്ടെന്ന് കണ്ടെത്തിയാല് കോടതിക്ക് കേസെടുക്കാം!
- ജന്മദിനത്തിനും വിവാഹ വാര്ഷികത്തിനു അവധി; പൊലീസിന്റെ മാനസിക സമ്മര്ദ്ദം കുറയ്ക്കാന് നടപടി
- വിഴിഞ്ഞത്തിന്റെ ചരിത്ര നിമിഷം: ആദ്യ വാണിജ്യ കപ്പല് തുറമുഖത്ത് അടുക്കുന്നു
- വരും മണിക്കൂറുകളില് വടക്കന് ജില്ലകളില് ഒറ്റപ്പെട്ട മഴയ്ക്ക് സാധ്യത
- ഐ.എസ്.ആർ. ഒ ചാരക്കേസ്: ലൈംഗിക താത്പര്യത്തിനു വഴങ്ങാതിരുന്നതാണ് ചാരക്കേസിൻ്റെ തുടക്കമെന്ന് സി.ബി.ഐ കുറ്റപത്രം
സ്കൂള് ബാഗിനുള്ളില് മലമ്പാമ്പ്; പുസ്തകമെടുക്കുന്നതിനിടെ വിദ്യാര്ഥിനിയുടെ കൈയില് തടഞ്ഞു !
വിദ്യാര്ഥിനിയുടെ വീട്ടില് നിന്നാകാം പാമ്പ് കയറിക്കൂടിയതെന്നും മഴക്കാലമായതിനാല് വിദ്യാര്ഥികളും രക്ഷിതാക്കളും ജാഗ്രത പാലിക്കണമെന്നും പ്രിന്സിപ്പല് സിസ്റ്റര് ജ്യോതി മരിയ പറഞ്ഞു
തൃശൂര് ചേലക്കരയില് സ്കൂള് ബാഗിനുള്ളില് നിന്ന് മലമ്പാമ്പിനെ കണ്ടെത്തി. ചേലക്കര ലിറ്റില് ഫ്ളവര് ഗേള്സ് ഹയര് സെക്കന്ഡറി സ്കൂളിലെ പ്ലസ് ടു വിദ്യാര്ഥിനിയുടെ ബാഗിനുള്ളിലാണ് മലമ്പാമ്പിന്റെ കുഞ്ഞിനെ കണ്ടത്. സ്കൂളിലെത്തി ആദ്യ പീരിയഡില് ബാഗ് തുറന്ന് പുസ്തകമെടുക്കുന്നതിനിടെ വിദ്യാര്ഥിനിയുടെ കൈയില് തട്ടുകയായിരുന്നു.
പുസ്തകമെടുക്കാന് തുടങ്ങുന്നതിനിടെ കൈയില് എന്തോ തടഞ്ഞതിനെ തുടര്ന്ന് കൈവലിച്ച് നോക്കിയപ്പോഴാണ് ഉള്ളില് പാമ്പിനെ കണ്ടത്. അടുത്തിരുന്ന സഹപാഠി ഉടന് ബാഗിന്റെ സിബടച്ചു. സ്കൂളിന് സമീപത്ത് ജോലി ചെയ്തിരുന്നവര് ഓടിയെത്തി ബാഗ് പുറത്തെത്തിച്ച് പാമ്പിനെ പുറത്താക്കി.
വിദ്യാര്ഥിനിയുടെ വീട്ടില് നിന്നാകാം പാമ്പ് കയറിക്കൂടിയതെന്നും മഴക്കാലമായതിനാല് വിദ്യാര്ഥികളും രക്ഷിതാക്കളും ജാഗ്രത പാലിക്കണമെന്നും പ്രിന്സിപ്പല് സിസ്റ്റര് ജ്യോതി മരിയ പറഞ്ഞു.
