അനുബന്ധ വാര്ത്തകള്
- ജനകീയ ആരോഗ്യ കേന്ദ്രങ്ങളിലൂടെ നമുക്ക് എന്തെല്ലാം സേവനങ്ങള് ലഭ്യമാകും
- ശബരിമല: കോട്ടയത്തേക്ക് ഹുബ്ബള്ളിയിൽ നിന്ന് പ്രതിവാര സ്പെഷ്യൽ ട്രെയിൻ
- മഴ മുന്നറിയിപ്പില് മാറ്റം; സംസ്ഥാനത്തെ 11ജില്ലകളിലും യെല്ലോ അലര്ട്ട്
- ശബരിമല തീര്ത്ഥാടകര് സ്ഥിരമായി കഴിക്കുന്ന മരുന്നുകള് നിര്ത്തരുത്, ഇക്കാര്യങ്ങള് ശ്രദ്ധിക്കണം
- ശബരിമല സർവീസിന് ഫിറ്റ്നസ് സർട്ടിഫിക്കറ്റ് ഇല്ലാത്ത ബസ് ഉപയോഗിക്കരുതെന്ന് കെ.എസ്.ആർ.ടി.സിയോട് ഹൈക്കോടതി
മണ്ഡലകാല തീര്ഥാടനത്തിന് നാളെ തുടക്കം; ഇന്നുവൈകുന്നേരം ശബരിമല നടതുറക്കും
ശബരിമല മണ്ഡലകാല തീര്ഥാടനത്തിന് നാളെ തുടക്കമാകും. ഇന്നു വൈകീട്ട് നാലുമണിക്ക് തന്ത്രി കണ്ഠര് രാജീവരുടെ സാന്നിധ്യത്തില് മേല്ശാന്തി പി.എന്.മഹേഷ് നമ്പൂതിരി നട തുറന്ന് ദീപം തെളിയിക്കും. വെള്ളിയാഴ്ച പ്രത്യേക പൂജകളില്ല. ദീപാരാധനയ്ക്കുശേഷം പുതിയ ശബരിമല, മാളികപ്പുറം മേല്ശാന്തിമാരുടെ അവരോധിക്കല് ചടങ്ങ് സോപാനത്ത് നടക്കും.
ആഴി ജ്വലിപ്പിച്ചശേഷം നിലവിലെ മേല്ശാന്തി നിയുക്ത ശബരിമല മേല്ശാന്തി എസ്. അരുണ് നമ്പൂതിരി, നിയുക്ത മാളികപ്പുറം മേല്ശാന്തി വാസുദേവന് നമ്പൂതിരി എന്നിവരെ കൈപിടിച്ച് പതിനെട്ടാംപടിയിലേക്ക് ആനയിക്കും. പമ്പയില്നിന്ന് രാവിലെ 11 മണി മുതല് ഭക്തരെ മല ചവിട്ടാന് അനുവദിക്കും.
