അനുബന്ധ വാര്ത്തകള്
- ശബരിമല സർവീസിന് ഫിറ്റ്നസ് സർട്ടിഫിക്കറ്റ് ഇല്ലാത്ത ബസ് ഉപയോഗിക്കരുതെന്ന് കെ.എസ്.ആർ.ടി.സിയോട് ഹൈക്കോടതി
- വടക്കന് തമിഴ്നാട് തീരത്തിന് മുകളില് ന്യൂനമര്ദ്ദം; നാളെ അഞ്ചു ജില്ലകളില് യെല്ലോ അലര്ട്ട്
- പരിശുദ്ധമായ സ്വര്ണം കാന്തം കാണിക്കുമ്പോള് ഒട്ടിപ്പിടിക്കാറില്ല; നല്ല സ്വര്ണം എങ്ങനെ തിരഞ്ഞെടുക്കാം
- കുത്തനെ ഇടിഞ്ഞ് സ്വര്ണവില; കുറഞ്ഞത് 1080രൂപ
- കാലം മാറി കെഎസ്ആർടിസിയും ഡിജിറ്റലാകുന്നു, കയ്യിൽ കാശ് കരുതാതെയും ഇനി ബസ്സിൽ കയറാം
ശബരിമല തീര്ത്ഥാടകര് സ്ഥിരമായി കഴിക്കുന്ന മരുന്നുകള് നിര്ത്തരുത്, ഇക്കാര്യങ്ങള് ശ്രദ്ധിക്കണം
ശബരിമല തീര്ത്ഥാടനത്തിന് ഒരുങ്ങുകയാണോ നിങ്ങള്. ആരോഗ്യകരമായ യാത്രയ്ക്ക് ചില കാര്യങ്ങള് ശ്രദ്ധിക്കേണ്ടതുണ്ട്. നിലവില് വിവിധ രോഗങ്ങള്ക്കായി ചികിത്സയിലിരിക്കുന്നവര് ദര്ശനത്തിനായി എത്തുമ്ബോള് ചികിത്സാരേഖകളും കഴിക്കുന്ന മരുന്നുകളും കൈവശം കരുതേണ്ടതാണ്. സ്ഥിരമായി കഴിക്കുന്ന മരുന്നുകള് വ്രതകാലത്ത് നിര്ത്തരുത്. മല കയറുമ്പോള് ഉണ്ടാകാവുന്ന ആരോഗ്യ പ്രശ്നങ്ങള് ഒഴിവാക്കുന്നതിനായി ദര്ശനത്തിന് എത്തുന്നതിന് ദിവസങ്ങള്ക്ക് മുന്പേ നടത്തം ഉള്പ്പെടെയുള്ള ലഘു വ്യായാമങ്ങള് ചെയ്ത് തുടങ്ങേണ്ടതാണ്
സാവധാനം മലകയറുക. ഇടയ്ക്കിടയ്ക്ക് വിശ്രമിക്കുക. മല കയറുന്നതിനിടയില് ക്ഷീണം, തളര്ച്ച, നെഞ്ചുവേദന, ശ്വാസതടസം എന്നിവ ഉണ്ടായാല് മല കയറുന്നത് നിര്ത്തി എത്രയും പെട്ടെന്ന് വൈദ്യസഹായം തേടുക. തിളപ്പിച്ചാറിയ വെള്ളം മാത്രം കുടിക്കുക. ഭക്ഷണം കഴിക്കുന്നതിന് മുന്പ് കൈകള് സോപ്പുപയോഗിച്ച് കഴുക. പഴങ്ങള് നന്നായി കഴുകിയതിന് ശേഷം മാത്രം കഴിക്കുക. പഴകിയതോ തുറന്നുവച്ചതോ ആയ ആഹാരം കഴിക്കരുത്.
