അനുബന്ധ വാര്ത്തകള്
- മിന്നലേറ്റ മരം നിന്നുകത്തുന്നു, വീഡിയോ വൈറൽ !
- തിമിംഗലങ്ങൾ വലവിരിച്ച് ഇരപിടിക്കുന്നത് കണ്ടിട്ടുണ്ടോ ? ഞെട്ടിക്കുന്ന വീഡിയോ !
- 'ഹുസൈൻ സാഗർ' തടാകം ഗൂഗിൾ മാപ്പിൽ 'ജെയ് ശ്രീറാം സാഗർ' എന്നായി മാറി !
- കിടപ്പുമുറിയിൽ ഭാര്യയും കാമുകനും, യുവാവിന്റെ മരണം അന്വേഷിച്ച പൊലീസ് കണ്ടെത്തിയത് ക്രൂര കൊലപാതകത്തിന്റെ കഥ
- പ്രണയിക്കുമ്പോൾ ഇക്കാര്യംകൂടി ഒന്ന് ശ്രദ്ധിക്കൂ !
മഴ ശക്തമാകും, ചൊവ്വാഴ്ച അഞ്ച് ജില്ലകളിൽ റെഡ് അലെർട്ട്, രണ്ട് ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി
തിരുവനന്തപുരം: മഴ ശക്തമാകുന്ന സാഹചര്യത്തിൽ സംസ്ഥാനത്തെ അഞ്ച് ജില്ലകളിൽ ചൊവ്വാഴ്ച റെഡ് അലെർട്ട് പ്രഖ്യാപിച്ചു, എറണാകുളം, ഇടുക്കി, തൃശൂർ പാലക്കാട്, മലപ്പുറം ജില്ലകളിലാണ് കാലാവസ്ഥാ നിരീക്ഷണ കേന്ദ്രം റെഡ് അലെർട്ട് പ്രഖ്യാപിച്ചിരിക്കുന്നത്. എറണാകുളം തൃശൂർ ജില്ലകളിൽ വിദ്യഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്.
കൊല്ലം, പത്തനംതിട്ട, ആലപ്പുഴ, കോട്ടയം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിൽ ചൊവ്വാഴ്ച ഓറഞ്ച് അലെർട്ട് പ്രഖ്യാപിച്ചിട്ടുണ്ട്. ബുധനാഴ്ച കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോഡ് ജില്ലകളീൽ ഓറഞ്ച അലെർട്ട് തുടരും.
അറബിക്കടലിൽ കേരളത്തിനും ലക്ഷദ്വീപിനുമിടയിൽ രൂപപ്പെട്ട ന്യൂനമർദ്ദമാണ് ശക്തമായ മഴക്ക് കാരണം. മണിക്കൂറിൽ 45 മുതല് 55 കിലോമീറ്റര് വരെ വേഗതയില് ശക്തമായ കാറ്റ് വീശാൻ സാധ്യതയുള്ളതിനാൽ മത്സ്യ തൊഴിലാളികളോട് കടലിൽ പോവരുത് എന്ന് നിർദേശം നൽകിയിട്ടുണ്ട്.
