അനുബന്ധ വാര്ത്തകള്
- Hema Committee: ഹേമ കമ്മിറ്റി റിപ്പോർട്ടിൽ വാദം കേൾക്കാൻ അഞ്ചംഗ വിശാല ബെഞ്ച്: വനിതാ ജഡ്ജും അംഗം
- സ്കൂളിലെ സ്റ്റാഫ് റൂമില് സിസിടിവി ക്യാമറ; ഡി.പി.ഐക്ക് മനുഷ്യാവകാശ കമ്മീഷന് നോട്ടീസ് അയച്ചു
- സെപ്റ്റംബര് ഏഴ്: കാസര്ഗോഡ് പ്രാദേശിക അവധി
- ഓണത്തിന് ചെന്നെ - കൊച്ചുവേളി സ്പെഷ്യല് ട്രെയിന് വെള്ളിയാഴ്ച മുതല്
- വടക്കന് ആന്ധ്രാപ്രദേശിന് മുകളില് ചക്രവാതചുഴി; സംസ്ഥാനത്ത് വരുന്ന ഏഴുദിവസം സംസ്ഥാനത്ത് മഴയ്ക്ക് സാധ്യത
പീഡന ആരോപണം: നിവിന് പോളി ഡിജിപിക്ക് പരാതി നല്കി
പീഡന പരാതിയെ നിയമപരമായി നേരിടുമെന്ന് നിവിന് നേരത്തെ വാര്ത്താസമ്മേളനത്തില് വ്യക്തമാക്കിയിരുന്നു
തനിക്കെതിരായ പീഡന ആരോപണത്തില് ഡിജിപിക്ക് പരാതി നല്കി നടന് നിവിന് പോളി. ആരോപണം വ്യാജമാണെന്ന് നിവിന് പറഞ്ഞു. തനിക്കെതിരെയുള്ളത് കള്ളക്കേസെന്ന് ചൂണ്ടിക്കാട്ടി അദ്ദേഹം ഡിജിപിക്ക് പ്രാഥമിക പരാതി നല്കി. തന്റെ പരാതി കൂടി പരിശോധിക്കണമെന്നും എഫ്ഐആര് കോപ്പി കിട്ടിയശേഷം വിശദമായ പരാതി എഴുതി നല്കും എന്നും നിവിന് വ്യക്തമാക്കി.
പീഡന പരാതിയെ നിയമപരമായി നേരിടുമെന്ന് നിവിന് നേരത്തെ വാര്ത്താസമ്മേളനത്തില് വ്യക്തമാക്കിയിരുന്നു. സിനിമയില് അവസരം വാഗ്ദാനം ചെയ്തു പീഡിപ്പിച്ചെന്നാണ് പരാതിക്കാരിയായ യുവതി പറയുന്നത്. കേസില് ആറാം പ്രതിയാണ് നിവിന്.
എന്നാല്, ആരോപണം നിവിന് പോളി നിഷേധിക്കുകയാണ് ചെയ്തത്. പരാതി അടിസ്ഥാനരഹിതമാണെന്നും ഈ പെണ്കുട്ടിയെ കാണുകയോ സംസാരിക്കുകയോ ചെയ്തിട്ടില്ലെന്നും നിവിന് പോളി പറഞ്ഞു. പരാതിക്ക് പിന്നില് ഗൂഢാലോചനയുണ്ട്. കരുതിക്കൂട്ടി അപകീര്ത്തിപ്പെടുത്താന് നടത്തുന്ന ശ്രമമാണ്. അന്വേഷണവുമായി സഹകരിക്കുമെന്നും നിരപരാധിത്വം തെളിയിക്കാന് ഏതറ്റം വരെയും പോകുമെന്നും നിവിന് പോളി വാര്ത്താസമ്മേളനത്തില് പറഞ്ഞു.
