വീട്ടമ്മയെ പീഡിപ്പിക്കാന്‍ ശ്രമിച്ച കേസില്‍ ഒളിവിലായിരുന്ന പ്രതിയായ യുവാവിനെ പൊലീസ് അറസ്റ്റ് ചെയ്തു. മുട്ടത്തറ സംഗമം നഗര്‍ പണയില്‍ ദേവീക്ഷേത്രത്തിനടുത്ത് താമസം കൊലകൊല്ലി ബൈജു എന്ന ബൈജുവിനെയാണ് ഫോര്‍ട്ട് പൊലീസ് അറസ്റ്റ് ചെയ്തത്.

മുട്ടത്തറ സ്വദേശിയായ വീട്ടമ്മയെ പീഡിപ്പിക്കാന്‍ ശ്രമിച്ച കേസിലെ പ്രതിയെ കുറിച്ച് പൊലീസിനു ലഭിച്ച രഹസ്യ സന്ദേശത്തെ തുടര്‍ന്ന് നടത്തിയ തെരച്ചിലിലാണു പ്രതി വലയിലായത്. ഫോര്‍ട്ട് സി.ഐ വി.രജി കുമാറിന്‍റെ നേതൃത്വത്തില്‍ എസ്.ഐ പി.ഷാജിമോന്‍, ക്രൈം എസ്.ഐ. വിജയകുമാര്‍ എന്നിവര്‍ ഉള്‍പ്പെട്ട പൊലീസ് സംഘമാണ് പ്രതിയെ അറസ്റ്റ് ചെയ്തത്.