അനുബന്ധ വാര്ത്തകള്
- മലപ്പുറം നിപ മുക്തമായി; എല്ലാ സാമ്പിളുകളും നെഗറ്റീവ്
- സംസ്ഥാനത്ത് സ്വര്ണവിലയില് വലിയ ഇടിവ്
- ലക്ഷദ്വീപിന് മുകളിലായി ചക്രവാതച്ചുഴി; വരും ദിവസങ്ങളില് ശക്തമായ മഴയ്ക്ക് സാധ്യത
- ചക്രവാതച്ചുഴി: സംസ്ഥാനത്ത് ഇടിമിന്നലോട് കൂടിയ ശക്തമായ മഴയ്ക്ക് സാധ്യത
- എംപോക്സ് വ്യാപിക്കുന്ന സാഹചര്യത്തില് ജാഗ്രത പാലിക്കണമെന്ന് ആരോഗ്യമന്ത്രി; ലക്ഷണങ്ങള് ഉണ്ടായാല് റിപ്പോര്ട്ട് ചെയ്യണം
മധ്യ കിഴക്കന് അറബിക്കടലില് ന്യൂനമര്ദ്ദം; സംസ്ഥാനത്ത് വരും ദിവസങ്ങളില് മഴ ശക്തമാകും
മധ്യ കിഴക്കന് അറബിക്കടലില് മഹാരാഷ്ട്ര തീരത്തിന് സമീപം ന്യൂനമര്ദ്ദം സ്ഥിതിചെയ്യുന്നു. മഹാരാഷ്ട്ര തീരം മുതല് വടക്കന് കേരള തീരം വരെ ന്യൂനമര്ദ്ദപാത്തി രൂപപ്പെട്ടു. പശ്ചിമ ബംഗാളിനും വടക്ക് കിഴക്ക് ജാര്ഖണ്ഡിനും മുകളിലായി മറ്റൊരു ന്യൂനമര്ദ്ദം സ്ഥിതിചെയ്യുന്നു. വടക്കന് ബംഗാള് ഉള്ക്കടലില് ചക്രവാതച്ചുഴി രൂപപ്പെട്ടു. ഇതിന്റെ ഫലമായി കേരളത്തില് അടുത്ത 5 ദിവസം വ്യാപകമായി മിതമായ / ഇടത്തരം മഴയ്ക്ക് സാധ്യത. ഒറ്റപ്പെട്ട സ്ഥലങ്ങളില് ആഗസ്റ്റ് 24,27 തീയതികളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
നാളെ കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
