അനുബന്ധ വാര്ത്തകള്
- ലഘു മേഘവിസ്ഫോടനങ്ങള്ക്ക് സാധ്യത, മലയോര മേഖലകളില് ജാഗ്രത; കേരളത്തിലെ കാലാവസ്ഥ മുന്നറിയിപ്പ്
- ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടു; അടുത്ത അഞ്ച് ദിവസം കേരളത്തില് മഴയ്ക്ക് സാധ്യത
- ഓഗസ്റ്റ് ഒന്ന് വരെ നേരിയ മഴയ്ക്ക് സാധ്യത; മത്സ്യബന്ധനത്തിനു വിലക്ക്
- അടുത്ത മണിക്കൂറുകളില് ശക്തമായ കാറ്റിനും മഴയ്ക്കും സാധ്യത; വിവിധ ജില്ലകള്ക്ക് മുന്നറിയിപ്പ്
- ന്യൂനമര്ദ്ദത്തിന്റെ സ്വാധീനത്താല് സംസ്ഥാനത്ത് ഈ ജില്ലകളില് മഴ കനക്കും
ചക്രവാതചുഴി ന്യൂനമര്ദ്ദമാകും; സംസ്ഥാനത്ത് വരും ദിവസങ്ങളിലും മഴ
ബംഗാള് ഉള്ക്കടലിലെ ചക്രവാതചുഴി അടുത്ത 24 മണിക്കൂറിനുള്ളില് ന്യൂനമര്ദ്ദമായി ശക്തി പ്രാപിക്കും. ചക്രവാതചുഴിയുടെയും ന്യൂനമര്ദ്ദത്തിന്റെയും സ്വാധീനത്താല് സംസ്ഥാനത്ത് അടുത്ത അഞ്ച് ദിവസത്തേക്ക് മഴ സാധ്യത. ഇന്നും നാളെയും ഒറ്റപ്പെട്ട സ്ഥലങ്ങളില് ഇടിമിന്നലോടു കൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
തെക്ക് പടിഞ്ഞാറന് ഉത്തര്പ്രദേശിനു മുകളിലായി ചക്രവാതചുഴി സ്ഥിതി ചെയ്യുന്നുണ്ട്. മധ്യ ബംഗാള് ഉള്ക്കടലില് മറ്റൊരു ചക്രവാതചുഴിയും നിലനില്ക്കുന്നു. അടുത്ത 24 മണിക്കൂറിനുള്ളില് ചക്രവാതചുഴി വടക്ക്-പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദമായി ശക്തി പ്രാപിക്കാന് സാധ്യത. ഇതിന്റെ സ്വാധീനഫലമായി കേരളത്തില് മഴ തുടരും.
നാല് ജില്ലകളില് യെല്ലോ അലര്ട്ട്. എറണാകുളം, ഇടുക്കി, പാലക്കാട്, മലപ്പുറം ജില്ലകളിലാണ് ഒറ്റപ്പെട്ട മഴയ്ക്കുള്ള സാധ്യതയുള്ളതിനാല് യെല്ലോ അലര്ട്ട് പ്രഖ്യാപിച്ചിരിക്കുന്നത്.
