അനുബന്ധ വാര്ത്തകള്
- പ്രതിഷേധങ്ങൾക്കിടെ സംസ്ഥാനത്ത് തീവ്ര വോട്ടർപട്ടിക പരിഷ്കരണ നടപടികൾക്ക് ഇന്ന് തുടക്കം
- മുംബൈ സ്വദേശിനിയുടെ വ്ലോഗ് വൈറലായതിനെ തുടര്ന്ന് മൂന്നാറില് രണ്ട് ടാക്സി ഡ്രൈവര്മാര് അറസ്റ്റില്
- ആലപ്പുഴ ജില്ലയിലെ ബാങ്കുകളില് അവകാശികള് ഇല്ലാതെ കിടക്കുന്നത് 128 കോടി രൂപ
- പന്നിപ്പടക്കം കടിച്ചെടുത്ത വളര്ത്തുനായ വീട്ടിലെത്തി, മുറ്റത്ത് വച്ച് പൊട്ടിത്തെറിച്ച് നായയുടെ തല തകര്ന്നു
- ശബരിമല കട്ടിളപാളി കേസില് റിമാന്ഡ് റിപ്പോര്ട്ട് പുറത്ത്; പോറ്റി കാണിച്ചത് വിശ്വാസ വഞ്ചനയെന്ന് എസ്ഐടി
റോഡ് ഉദ്ഘാടനം ചെയ്യാനെത്തിയ കെപിസിസി പ്രസിഡന്റ് സിപിഎം പ്രതിഷേധത്തെ തുടര്ന്നു സ്ഥലംവിട്ടു
റോഡ് ഉദ്ഘാടനത്തിനെത്തിയ കെപിസിസി അധ്യക്ഷന് സണ്ണി ജോസഫ് എംഎല്എ സിപിഎം പ്രതിഷേധത്തെ തുടര്ന്നു വേദി വിട്ടു. പേരാവൂര് മണ്ഡലത്തില്പ്പെടുന്ന ചാവശ്ശേരി - കൊട്ടാരം റോഡ് ഉദ്ഘാടനത്തിനു എത്തിയപ്പോഴാണ് സംഭവം.
1.25 കോടി ചെലവഴിച്ചാണ് റോഡ് നിര്മിച്ചിരിക്കുന്നത്. ഇരിട്ടി മുന്സിപാലിറ്റി ചെയര്പേഴ്സണ് ആയിരുന്നു റോഡിന്റെ ഉദ്ഘാടനം നിര്വഹിക്കേണ്ടിയിരുന്നത്. എല്ഡിഎഫ് ആണ് മുന്സിപാലിറ്റി ഭരിക്കുന്നത്. എന്നാല് സംസ്ഥാന സര്ക്കാരിന്റെ ഫണ്ട് ഉപയോഗിച്ച് നിര്മിച്ച റോഡാണെന്നും എംഎല്എ ആണ് ഉദ്ഘാടനം ചെയ്യേണ്ടതെന്നും എംഎല്എയുടെ ഓഫിസ് അറിയിക്കുകയായിരുന്നു.
തുടര്ന്ന് എംഎല്എ എത്തിയപ്പോഴാണ് സിപിഎം പ്രതിഷേധവുമായി എത്തിയത്. റോഡ് നിര്മാണവുമായി ബന്ധപ്പെട്ട് എംഎല്എയ്ക്ക് യാതൊരു പങ്കുമില്ലെന്നും എട്ടുകാലി മമ്മൂഞ്ഞായി ക്രെഡിറ്റ് എടുക്കേണ്ടതില്ലെന്നും പറഞ്ഞായിരുന്നു പ്രതിഷേധം.
