അനുബന്ധ വാര്ത്തകള്
- അച്ഛനും മകനും, സോഷ്യല് മീഡിയയില് തരംഗമായി മാറി ധ്രുവിന് ഒപ്പമുള്ള വിക്രമിന്റെ ചിത്രം
- Paappan update: സുരേഷ് ഗോപി ആരാധകര്ക്കൊരു സന്തോഷവാര്ത്ത,പാപ്പന് അപ്ഡേറ്റ്, ആ വിവരം അറിയാന് ഇനി മണിക്കൂറുകള് മാത്രം !
- പറ്റില്ലെന്ന് അവര് പറഞ്ഞു, തോല്ക്കാത്ത മനസ്സുമായി മഞ്ജു പിള്ള, ഫോട്ടോഷൂട്ട് ചിത്രങ്ങള്
- മോഹന്ലാലിന്റെ നായിക, കിടിലന് ഫോട്ടോഷൂട്ടുമായി ശ്രദ്ധ ശ്രീനാഥ്, വീഡിയോയും ചിത്രങ്ങളും
- 7 വര്ഷങ്ങള്ക്ക് മുമ്പ്, ഇന്ന് രണ്ടു കുട്ടികളുടെ അമ്മ,വിവാഹനിശ്ചയ ചിത്രവുമായി ശരണ്യ മോഹന്
പ്രതാപ് പോത്തന്റെ നിര്യാണത്തില് മുഖ്യമന്ത്രി അനുശോചിച്ചു
നടനും സിനിമാ സംവിധായകനുമായ പ്രതാപ് പോത്തന്റെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു.
അയത്നലളിതവും വ്യത്യസ്തവുമായ അഭിനയത്തിലൂടെ ജനഹൃദയങ്ങളില് ഇടം നേടിയ പ്രതിഭയെയാണ് നഷ്ടമായത്. സംവിധായകന് എന്ന നിലയിലും നിര്മാണ രംഗത്തെ സംഭാവന കൊണ്ടും തെന്നിന്ത്യന് സിനിമയില് തന്റേതായ മുദ്രപതിപ്പിച്ച കലാകാരനായിരുന്നു അദ്ദേഹം. ഇടക്കാലത്ത് ചലച്ചിത്ര രംഗത്തുനിന്ന് വിട്ടുനിന്നപ്പോഴും ആസ്വാദക മനസ്സുകളില് പ്രതാപിന്റെ സ്ഥാനം മങ്ങിയില്ല. മലയാള ചലച്ചിത്രത്തിലെ മാറുന്ന ഭാവുകത്വത്തിനൊപ്പം അഭിനയത്തിലൂടെ പ്രതാപ് സഞ്ചരിച്ചു.
തകര അടക്കമുള്ള ചിത്രങ്ങളിലെ തനിമയാര്ന്ന വേഷങ്ങള് തലമുറയില് നിന്ന് തലമുറകളിലേക്ക് പകരുന്ന അനുഭവം തന്നെയാണ്.
വ്യത്യസ്ത ഘട്ടങ്ങളില് രാഷ്ട്രീയ സാമൂഹ്യ വിഷയങ്ങളില് ശരിയായ അഭിപ്രായപ്രകടനങ്ങള് നടത്തിയും അദ്ദേഹം ശ്രദ്ധേയനായിട്ടുണ്ട്.
തന്റെ അവസാനകാലത്തും ഊര്ജസ്വലതയോടെ സിനിമാരംഗത്ത് സജീവമായി തുടരാന് അദ്ദേഹത്തിന് കഴിഞ്ഞു. പ്രതാപ് പോത്തന്റെ വിയോഗത്തില് ദുഃഖിക്കുന്നവര്ക്കൊപ്പം പങ്കുചേരുന്നതായി മുഖ്യമന്ത്രി പറഞ്ഞു.
