മുതിര്‍ന്ന മാധ്യമപ്രവര്‍ത്തകന്‍ പി മോഹനന്‍ അന്തരിച്ചു

തിരുവനന്തപുരം| Last Modified വ്യാഴം, 29 മെയ് 2014 (16:44 IST)
മുതിര്‍ന്ന മാധ്യമപ്രവര്‍ത്തകനും നോവലിസ്റ്റും കാര്‍ട്ടൂണിസ്റ്റുമായ പി മോഹനന്‍(59) അന്തരിച്ചു. തിരുവനന്തപുരത്തെ ആര്‍സിസിയിലായിരുന്നു അന്ത്യം. രോഗബാധയെ തുടര്‍ന്ന് ഏറെ നാളായി ചികില്‍സയിലായിരുന്നു. സംസ്കാരം വെള്ളിയാഴ്ച തൃശൂരില്‍ നടക്കും.


ഏഷ്യാനെറ്റ് ന്യൂസിലെ റിസര്‍ച്ച് വിഭാഗം എഡിറ്ററായിരുന്നു. വിഷയവിവരം, കാലസ്ഥിതി, ഏകജാലകം, അനുകമ്പ, അമ്മകന്യ, ദൈവഗുരുവിന്റെ ഒഴിവുകാലം എന്നിവ അദ്ദേഹത്തിന്റെ നോവലുകളാണ്.

തൃശൂര്‍ ജില്ലയിലെ ചേറൂരിലാണ് പി മോഹനന്‍ ജനിച്ചത്. തോപ്പില്‍ രവി അവാര്‍ഡ്, മലയാറ്റൂര്‍ അവാര്‍ഡ്, പി കേശവദേവ് പുരസ്കാരം, ഖസാക്ക് അവാര്‍ഡ്, അബുദാബി ശക്തി അവാര്‍ഡ് തുടങ്ങിയ പുരസ്കാരങ്ങള്‍ ലഭിച്ചിട്ടുണ്ട്.



ഇതിനെക്കുറിച്ച് കൂടുതല്‍ വായിക്കുക :