അനുബന്ധ വാര്ത്തകള്
- പ്രശസ്ത സംഗീത സംവിധായകന് എംജി രാധാകൃഷ്ണന്റെ ഭാര്യ പത്മജ രാധാകൃഷ്ണന് അന്തരിച്ചു
- വിക്ടേഴ്സിൽ ഇന്നുമുതൽ കൂടുതൽ ഓൺലൈൻ ക്ലാസുകൾ, ടൈം ടേബിൾ ഇങ്ങനെ
- മാസ്ക് ധരിയ്ക്കാത്തവർ ക്യാമറയിൽ കുടുങ്ങും പണി പാർസലായി വീട്ടിലെത്തും, പുതിയ മാർഗവുമായി കേരള പൊലീസ് !
- ശബരിമല നടതുറന്നു; ഭക്തര്ക്ക് പ്രവേശനമില്ല
- സംസ്ഥാനത്ത് 54 പേർക്കുകൂടി കൊവിഡ്, 56 പേർക്ക് രോഗമുക്തി
ചാര്ട്ടേഡ് വിമാനങ്ങളില് കേരളത്തിലേക്ക് വരുന്ന പ്രവാസികള്ക്ക് കൊവിഡ് പരിശോധന റിപ്പോര്ട്ട് നിര്ബന്ധമാക്കരുതെന്നാവശ്യപ്പെട്ട് ഉമ്മന്ചാണ്ടി മുഖ്യമന്ത്രിക്ക് കത്ത് നല്കി
വിദേശ രാജ്യങ്ങളില് നിന്ന് ചാര്ട്ടേഡ് വിമാനങ്ങളില് കേരളത്തിലേക്ക് വരുന്ന പ്രവാസികള് യാത്രയ്ക്ക് 48 മണിക്കൂര് മുമ്പ് കൊവിഡ് പരിശോധന
റിപ്പോര്ട്ട് നിര്ബന്ധമാക്കരുതെന്നാവശ്യപ്പെട്ട് ഉമ്മന് ചാണ്ടി മുഖ്യമന്ത്രിക്ക് കത്ത് നല്കി. പ്രവാസികള്ക്ക് വലിയ ആശങ്കയാണ് ഉണ്ടാക്കിയിരിക്കുന്നതെന്നും കൊവിഡ് ജാഗ്രത പൂര്ണ്ണമായും പാലിക്കണമെന്ന നിര്ദേശം പൂര്ണ്ണമായും അംഗീകരിക്കുമ്പോള് തന്നെ വിദേശത്ത് ജോലി നഷ്ടപ്പെട്ട് വരുമാനം ഇല്ലാതെ ദുരിതമനുഭവിക്കുന്ന ആളുകളെ എത്രയും വേഗം നാട്ടിലെത്തിക്കാനുള്ള നടപടികള് സ്വീകരിക്കുകയാണ് ചെയ്യേണ്ടതെന്ന് ഉമ്മന് ചാണ്ടി പറഞ്ഞു.
കൊവിഡിനെ തുടര്ന്ന് ഗള്ഫില് നിന്നും ഇപ്പോള് മൂന്നു ലക്ഷത്തിലധികം മലയാളികള് കേരളത്തിലേക്ക് വരുവാന് കാത്ത് നില്ക്കുകയാണ്. ഇതുവരെ പതിനഞ്ച് ശതമാനം ആളുകളെ മാത്രമേ നാട്ടിലെത്തിക്കാന് സാധിച്ചിട്ടുള്ളു. വിദേശ മലയാളികളെ വേഗം നാട്ടിലെത്തിക്കണമെങ്കില് ചാര്ട്ടേഡ് വിമാനങ്ങള് കൂടിയെ തീരുവെന്ന് ബോധ്യപ്പെട്ടതിന്റെ അടിസ്ഥാനത്തിലാണ് പ്രവാസി സന്നദ്ധ സംഘടനകള് ഇത് യാഥാര്ഥ്യമാക്കാന് ശ്രമിച്ചത്. ഇക്കാര്യത്തില് സര്ക്കാരിന്റെ നയത്തില് വ്യത്യാസംകൊണ്ടുവരണമെന്ന് ഉമ്മന് ചാണ്ടി ആവശ്യപ്പെട്ടു.
