അനുബന്ധ വാര്ത്തകള്
- നിപ വ്യാപനം: കേന്ദ്ര മൃഗസംരക്ഷണ വകുപ്പിന്റെ വിദഗ്ധ സംഘം ഇന്ന് മുതല് വൈറസ് ബാധിത പ്രദേശങ്ങളില് പഠനം നടത്തും
- നിപ വ്യാപനം: സമ്പര്ക്ക പട്ടികയില് 950 പേര്, രോഗബാധിത പ്രദേശങ്ങള് കേന്ദ്ര സംഘം ഇന്ന് സന്ദര്ശിക്കും
- നിപ വ്യാപനം: കണ്ടെയിന്മെന്റ് സോണിലെ വിദ്യാര്ത്ഥികള്ക്ക് ഇനി ഓണ്ലൈന് ക്ലാസുകള്ക്ക്
- നിപ വ്യാപനം: കേന്ദ്ര സംഘങ്ങള് ഇന്ന് കോഴിക്കോടെത്തും
- നിപ: സമ്പര്ക്ക പട്ടികയില് 330 പേര്, 101 പേര് ഹൈ റിസ്ക് കാറ്റഗറി
നിപ വ്യാപനം: ഈ സ്കൂളുകളില് പ്ലസ് വണ് അലോട്ട്മെന്റിനു പോകുന്നവര് പ്രത്യേകം ശ്രദ്ധിക്കുക
ആള്ക്കൂട്ടം ഉണ്ടാവാത്ത രൂപത്തില് അലോട്ട്മെന്റ് ക്രമീകരിക്കാന് നിര്ദ്ദേശം നല്കിയിട്ടുണ്ട്
ഇന്ന് നടക്കാനിരിക്കുന്ന പ്ലസ് വണ് അലോട്ട്മെന്റ് നിപ പ്രോട്ടോകോള് കര്ശനമായി പാലിച്ചു കൊണ്ടേ നടത്താവൂ എന്ന് ആരോഗ്യമന്ത്രി വീണ ജോര്ജ് നിര്ദേശിച്ചു. ആനക്കയം, പാണ്ടിക്കാട് ഗ്രാമപഞ്ചായത്തുകളിലായി മൂന്നു ഹയര് സെക്കന്ഡറി സ്കൂളുകളാണുള്ളത്. കൃത്യമായ സാമൂഹ്യ അകലം പാലിച്ചും സാനിറ്റൈസര്, എന് 95 മാസ്ക് എന്നിവ ധരിച്ചു കൊണ്ടുമാണ് കുട്ടികളും രക്ഷിതാക്കളും അലോട്ട്മെന്റിന് എത്തേണ്ടത്.
ആള്ക്കൂട്ടം ഉണ്ടാവാത്ത രൂപത്തില് അലോട്ട്മെന്റ് ക്രമീകരിക്കാന് നിര്ദ്ദേശം നല്കിയിട്ടുണ്ട്. സമ്പര്ക്ക പട്ടികയില് ഉള്ള ആരെങ്കിലും അലോട്ട്മെന്റിന് ഹാജരാവുന്നെങ്കില് അക്കാര്യം അവരുടെ ആരോഗ്യ കേന്ദ്രങ്ങളിലെ മെഡിക്കല് ഓഫീസര്മാരെ അറിയിക്കണം. ഇവര് പൊതുവാഹനങ്ങള് ഉപയോഗിക്കാതെ സ്വകാര്യ വാഹനത്തിലാണ് അലോട്ട്മെന്റില് പങ്കെടുക്കാന് എത്തേണ്ടത്. അവരുടെ അലോട്ട്മെന്റ് നടപടികള് വേഗത്തില് പൂര്ത്തിയാക്കി വിടണമെന്നും മന്ത്രി നിര്ദ്ദേശിച്ചു.
ജില്ലയില് എല്ലായിടത്തും പ്ലസ് വണ് അലോട്ട്മെന്റുകള് സാമൂഹ്യ അകലം പാലിച്ചും മാസ്ക്, സാനിറ്റൈസര് എന്നിവ ഉപയോഗിച്ചുമുള്ള നിപ പ്രോട്ടോകോള് പാലിച്ചു മാത്രമേ നടത്താവൂ. ഇത് നടപ്പാക്കുന്നതിനായി പൊലീസിന്റെ സഹായം ഉറപ്പു വരുത്തിയിട്ടുണ്ട്. ഇക്കാര്യം വിദ്യാഭ്യാസ മന്ത്രിയുമായി സംസാരിച്ചതായും ആരോഗ്യ മന്ത്രി പറഞ്ഞു.
