അനുബന്ധ വാര്ത്തകള്
- ആണ്സുഹൃത്തുമായുള്ള വാക്കുതര്ക്കം: നെയ്യാറ്റിന്കരയില് ഒന്പതാം ക്ലാസുകാരി ആത്മഹത്യ ചെയ്തു
- വസന്തയ്ക്ക് ഉടമസ്ഥാവകാശമില്ല ? തര്ക്കഭൂമി രാജന്റെ മക്കളിലേക്ക് ?
- നെയ്യാറ്റിന്കരയില് മരണപ്പെട്ട രാജനെതിരെ ആത്മഹത്യ ചെയ്തതിനും ജോലി തടസപ്പെടുത്തിയതിനും കേസ്
- അരമണിക്കൂര് കാത്തിരുന്നാല് അനുകൂലവിധി ഉണ്ടാകുമെന്ന് കരഞ്ഞ് പറഞ്ഞിട്ടും, കഴിച്ചുകൊണ്ടിരുന്ന ഭക്ഷണത്തിന്റെ മുന്നില് നിന്നും കുടുംബത്തെ വലിച്ചിറക്കാനാണ് പോലീസ് ശ്രമിച്ചത്: രമേശ് ചെന്നിത്തല
- 'ഗുണ്ടായിസം കാണിച്ചവര്ക്ക് ഭൂമി നല്കില്ല, മറ്റാര്ക്കെങ്കിലും എഴുതിക്കൊടുക്കും': നെയ്യാറ്റിന്കര സംഭവത്തില് കേസുമായി മുന്നോട്ടു പോകില്ലെന്ന പരാതിക്കാരിയുടെ തീരുമാനത്തിന് മാറ്റം
മോര്ച്ചറിയില് സൂക്ഷിച്ചിരുന്ന മൃതദേഹം കാണാനില്ല; ദുരൂഹത
തിരുവനന്തപുരം മെഡിക്കല് കോളേജ് മോര്ച്ചറിയില് സൂക്ഷിച്ചിരുന്ന മൃതദേഹം കാണാനില്ലെന്ന് പരാതി. നെയ്യാറ്റിന്കര സ്വദേശി പ്രസാദിന്റെ മൃതദേഹമാണ് കാണാതായത്. ഇതേ തുടര്ന്ന് ബന്ധുക്കള് പൊലീസില് പരാതി നല്കി. മൃതദേഹം കാണാതായതില് എന്തെങ്കിലും ദുരൂഹതയുണ്ടോ എന്ന് പൊലീസ് അന്വേഷിക്കുന്നു.
കഴിഞ്ഞ വെള്ളിയാഴ്ചയാണ് ശാരീരിക അസ്വസ്ഥതകളെ തുടര്ന്ന് നെയ്യാറ്റിന്കര തൊഴുക്കല് അംബേദ്കര് കോളനിയില് താമസക്കാരനായ പ്രസാദിനെ (47) നെയ്യാറ്റിന്കര ജനറല് ആശുപത്രിയില് പ്രവേശിപ്പിച്ചത്. ആരോഗ്യനില വഷളായതിനെ തുടര്ന്ന് ഇയാളെ ശനിയാഴ്ച മെഡിക്കല് കോളേജില് എത്തിച്ചു. എന്നാല്, ജീവന് രക്ഷിക്കാനായില്ല.
ഇയാള്ക്ക് കോവിഡ് പോസിറ്റീവ് ആയിരുന്നു. ഇതേ തുടര്ന്ന് മൃതദേഹം മോര്ച്ചറിയിലേക്ക് മാറ്റി. ഞായറാഴ്ച ബന്ധുക്കള് നടപടിക്രമങ്ങള് പൂര്ത്തിയാക്കി പൊലീസുമായി മോര്ച്ചറിയില് എത്തി. ബന്ധുക്കള്ക്ക് കാണിച്ചുകൊടുത്തത് മറ്റൊരു മൃതദേഹം. 47 കാരനായ പ്രസാദിനു പകരം 68 കാരനായ മറ്റൊരു പ്രസാദിന്റെ മൃതദേഹമായിരുന്നു ഇത്. മോര്ച്ചറിയില് അന്വേഷിച്ചെങ്കിലും യഥാര്ഥ പ്രസാദിന്റെ മൃതദേഹം കണ്ടെത്താന് സാധിച്ചില്ല. ഇതേ തുടര്ന്നാണ് പൊലീസില് പരാതി നല്കിയത്.
