അനുബന്ധ വാര്ത്തകള്
- നാട്ടിന്പുറം മോഡല്, തീപാറും ലുക്കില് അഖില് മാരാര്
- പുരുഷനെ കൊന്ന് തള്ളിയ ഒരു സ്ത്രീയും പുറത്തിറങ്ങി വിലസണ്ട, ഗ്രീഷ്മയുടെ ജാമ്യം റദ്ദാക്കണമെന്ന് മെൻസ് അസോസിയേഷൻ
- കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള് തിങ്കളാഴ്ച മുതല് പ്രവര്ത്തിക്കും; കുട്ടികളെ സ്കൂളിലേക്ക് അയക്കുമ്പോള് ഇക്കാര്യങ്ങള് ശ്രദ്ധിക്കുക
- നിപ വൈറസ്: കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് അവധി തുടരും, ഇന്നുമുതല് ഓണ്ലൈന് ക്ലാസുകള്
- കാണാതായ യുവാവിനെ കൊലപ്പെടുത്തിയെന്ന് കണ്ടെത്തി : സുഹൃത്തുക്കൾ അറസ്റ്റിൽ
അന്യസംസ്ഥാന തൊഴിലാളിയെ തലയ്ക്കടിച്ചു കൊന്ന കേസിൽ സുഹൃത്ത് അറസ്റ്റിൽ
കോഴിക്കോട്: അന്യസംസ്ഥാന തൊഴിലാളിയെ തലയ്ക്കടിച്ചു കൊന്ന കേസിൽ സുഹൃത്ത് അറസ്റ്റിൽ. പശ്ചിമ ബംഗാൾ സ്വദേശി നിതായി സമദ്ദാർ എന്ന 48 കാരനെ കണി കേസിൽ സുഹൃത്തായ പശ്ചിമ ബംഗാൾ സ്വദേശി ശ്യാമ ബാര എന്ന 54 കാരനെയാണ് പോലീസ് അറസ്റ്റ് ചെയ്തത്. കഴിഞ്ഞ ശനിയാഴ്ചയായിരുന്നു ഇവർ തമ്മിൽ വാക്കേറ്റം ഉണ്ടാവുകയും പിന്നീട് കൊലപാതകത്തിലേക്ക് നയിച്ചതും.
വാക്കേറ്റത്തിനിടെ മദ്യലഹരിയിൽ ആയിരുന്ന ശ്യാമൾ ബാരെ അടുത്തുണ്ടായിരുന്ന തൂമ്പ ഉപയോഗിച്ചാണ് നിതായി സമദ്ദാറെ തലയ്ക്കടിച്ചു വീഴ്ത്തിയത്. അടിയേറ്റു നിലത്തു വീണ നിതായിയെ ഇയാൾ വീണ്ടും വയറ്റിലും മറ്റും ചവിട്ടുകയും ഉപദ്രവിക്കുകയും ചെയ്തു. പിന്നീട് ഇവരുടെ കൂടെ ജോലി ചെയ്തിരുന്ന മറ്റൊരാളാണ് കോഴിക്കോട് ബീച്ച് ആശുപത്രിയിൽ എത്തിച്ചത്.
എന്നാൽ ഇയാളുടെ പരുക്ക് ഗുരുതരമായതിനാൽ മെഡിക്കൽ കോളേജ് ആശുപത്രിയിലേക്ക് മാറ്റിശാസ്ത്രക്രിയ നടത്തിയെങ്കിലും ചികിത്സയിലായിരിക്കെ മരിച്ചു. വെള്ളയിൽ പൊലീസാണ് അന്വേഷണം നടത്തി പ്രതിയെ അറസ്റ്റ് ചെയ്തത്. കോനാട്ട് ഉള്ള കേന്ദ്ര സമുദ്ര മത്സ്യ ഗവേഷണ കേന്ദ്രത്തിന്റെ മറൈൻ ഫാമിലെ നിർമ്മാണ തൊഴിലാളികളാണ് ഇരുവരും.
