അനുബന്ധ വാര്ത്തകള്
- മഴക്കെടുതി:കൊല്ലത്ത് 49 ലക്ഷത്തിന്റെ നഷ്ടം
- കനത്ത മഴയുടെ പശ്ചാത്തലത്തില് തിരുവനന്തപുരം താലൂക്കില് ദുരിതാശ്വാസ ക്യാമ്പ് ആരംഭിച്ചു
- തിരുവനന്തപുരം ജില്ലയില് മഴയില് ഭാഗീകമായി തകര്ന്നത് 47 വീടുകള്
- മൂന്നാർ, രാജമലയിൽ വീടുകൾക്ക് മുകളിൽ മണ്ണിടിഞ്ഞ് വീണു, നിരവധി പേർ കുടുങ്ങിയതായി സംശയം
- ഇടുക്കിയിൽ ഉരുൾപൊട്ടൽ: ഒലിച്ചുപോയ കാറിലുണ്ടായിരുന്ന ഒരാളുടെ മൃതദേഹം ലഭിച്ചു
മൂന്നാർ രാജമല ദുരന്തം: മരണം 11 ആയി, രക്ഷാപ്രവർത്തനം ദുഷ്കരം
മൂന്നാർ: ഇടുക്കി മൂന്നാറിലെ രാജമലയിൽ ഉണ്ടായ കനത്ത മണ്ണിടിച്ചിലിൽ അപകടത്തിൽപെട്ടവരിൽ 11 പേരുടെ മൃതദേഹം കണ്ടെടുത്തു. 78 പേരാണ് കാണാതായത്.ഇതിൽ 12 പേരെ രക്ഷപ്പെടുത്തി ഇനിയും 55 പേരെ കണ്ടെത്താനുണ്ടെന്ന് തഹസിൽദാർ പറഞ്ഞു.മൂന്നാറിൽ നിന്ന് 20 കിലോമീറ്റർ അകലെ രാജമലയ്ക്കടുത്തുള്ള നെയ്മക്കാട് ഡിവിഷനിലെ പെട്ടിമുടി എന്ന പ്രദേശത്താണ് മണ്ണിടിച്ചിൽ ഉണ്ടായത്. ലയങ്ങൾക്ക് മുകളിലേക്ക് മണ്ണിടിഞ്ഞിറങ്ങി വീഴുകയായിരുന്നു.അപകടത്തിൽ ലയങ്ങൾ പൂർണമായും തകർന്നു.
തമിഴ് തോട്ടം തൊഴിലാളികളാണ് ഇവിടെ താമസിച്ചിരുന്നത്.ആസ്ബസ്റ്റോസ് ഷീറ്റുകളിട്ട ലയങ്ങളിൽ പലതും പൂർണമായും മണ്ണിനടിയിലായി എന്നാണ് വിവരം.രക്ഷാപ്രവർത്തനം പുരോഗമിച്ചുകൊണ്ടിരിക്കുകയാണ് കാലാവസ്ഥ അനുകൂലമായാൽ എയർലിഫ്റ്റിംഗ് അടക്കം സർക്കാർ ആലോചിക്കുന്നുണ്ട്. എന്നാൽ കനത്ത മഴയും മഞ്ഞും ഉള്ളതിനാൽ നിലവിൽ എയർലിഫ്റ്റിംഗ് സാധ്യമല്ലാത്ത സ്ഥിതിയാണെന്ന് റവന്യൂ മന്ത്രി ഇ ചന്ദ്രശേഖരൻ പറഞ്ഞു.
നിലവിൽ പെരിയവര പാലത്തിന് നടുവിൽ ജെസിബി ഉപയോഗിച്ച് മണ്ണിട്ട് താൽക്കാലികമായി അപ്രോച്ച് റോഡ് നിർമിച്ചിരിക്കുകയാണ്. ഈ വഴിയാണ് പരികേറ്റവരെ പുറത്തെത്തിക്കുന്നത്.ഇന്നലെ രാത്രിയോ പുലർച്ചെയോ ആയി ഉണ്ടായ അപകടം ഏറെ വൈകിയാണ് പുറംലോകമറിഞ്ഞത്.മൂന്നാറിൽ നിന്ന് ഏതാണ്ട് 20 കിലോമീറ്റർ ദൂരം മാത്രമേ ഇവിടേയ്ക്ക് ഉള്ളൂ. പക്ഷേ വഴിയിലുള്ള പെരിയവര താൽകാലിക പാലം ഒലിച്ചുപോയതോടെ ഫോറസ്റ്റ് ചുറ്റി മാത്രമെ വഴി ഉണ്ടായിരുന്നുള്ളു.
