അനുബന്ധ വാര്ത്തകള്
- സംസ്ഥാനത്ത് ഇന്നും പരക്കെ മഴയ്ക്ക് സാധ്യത, തെക്കൻ ജില്ലകളിൽ കൂടുതൽ ജാഗ്രത
- പത്തനംതിട്ടയില് കായികമേളയില് പങ്കെടുത്ത് മടങ്ങിയ വിദ്യാര്ത്ഥി ഹൃദയാഘാതം മൂലം മരിച്ചു
- സംസ്ഥാനത്ത് ഇന്നും നാളെയും ഇടിമിന്നലോടു കൂടിയ മഴയ്ക്ക് സാധ്യത
- കനത്ത മഴ: തിരുവനന്തപുരത്തെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
- ഒക്ടോബര് അഞ്ചുവരെ സംസ്ഥാനത്ത് ഇടിമിന്നലോടുകൂടിയ മഴയ്ക്കും കാറ്റിനും സാധ്യതയെന്ന് മുന്നറിയിപ്പ്
മഴക്കാലത്ത് വൈദ്യുതി അപകടങ്ങള് കൂടുന്നു; കെഎസ്ഇബിയുടെ മുന്നറിയിപ്പ്
തീവ്ര മഴയുടെ സാഹചര്യത്തില് ചിലയിടങ്ങളിലെങ്കിലും വൈദ്യുതി വിതരണത്തില് തടസ്സം ഉണ്ടാകുന്നുണ്ട്. കാറ്റിലും മഴയിലും വൃക്ഷങ്ങളും വൃക്ഷശിഖരങ്ങളും ലൈനില് വീഴുന്നതാണ് ഇതിനുള്ള പ്രധാന കാരണം. ഇത്തരം സാഹചര്യത്തില് മരക്കൊമ്പ് വീണും മറ്റും വൈദ്യുതിക്കമ്പികള് പൊട്ടിക്കിടക്കാനോ ചാഞ്ഞുകിടക്കാനോ സാധ്യതയുമുണ്ട്. പുറത്തിറങ്ങുമ്പോള് വലിയ ജാഗ്രത വേണം. പൊട്ടിവീണ ലൈനില് മാത്രമല്ല പരിസര പ്രദേശങ്ങളിലും വൈദ്യുതപ്രവാഹം ഉണ്ടാകാന് സാധ്യതയുള്ളതിനാല് അടുത്തു പോവുകയോ സ്പര്ശിക്കുകയോ ചെയ്യരുത്. മറ്റാരെയും സമീപത്തേക്ക് പോകാന് അനുവദിക്കുകയുമരുത്.
ഇത്തരം അപകടമോ അപകടസാധ്യതയോ ശ്രദ്ധയില്പ്പെട്ടാല് എത്രയും വേഗം തൊട്ടടുത്ത കെഎസ്ഇബി സെക്ഷന് ഓഫീസിലോ 94 96 01 01 01 എന്ന എമര്ജന്സി നമ്പരിലോ അറിയിക്കുക. ഓര്ക്കുക, ഇത് അപകടങ്ങള് അറിയിക്കാന് മാത്രമുള്ള എമര്ജന്സി നമ്പരാണ്.
വൈദ്യുതി സംബന്ധമായ പരാതി അറിയിക്കാനും വിവരങ്ങള് അറിയാനും സേവനങ്ങള് നേടാനും 1912 എന്ന ടോള്ഫ്രീ കസ്റ്റമര്കെയര് നമ്പരില് വിളിക്കാവുന്നതാണ്. 94 96 00 1912 എന്ന മൊബൈല് നമ്പരില് വിളിച്ചും വാട്സാപ് സന്ദേശമയച്ചും പരാതി അറിയിക്കാനാകും.
