അനുബന്ധ വാര്ത്തകള്
- റേഷൻ കാർഡിലും അധ്യാപിക, നുണകൾ കൊണ്ട് കെട്ടിപ്പെടുത്തിയ ജോളിയുടെ ജീവിതം; അമ്പരന്ന് പൊലീസ്
- ജോളി പറയുന്നതിൽ പാതിയും നുണ, ചോദ്യം ചെയ്യുമ്പോൾ 'ക്ഷീണം'; സിലി വധക്കേസിൽ അറസ്റ്റ് ചെയ്യാൻ നീക്കം
- സേതുരാമയ്യർ വീണ്ടും; ഇത്തവണ കൂടത്തായി കൊലപാതകത്തിന്റെ നിഗൂഢതയോ?
- 'എൻഐടി പ്രൊഫസർ' ജോളി പ്രീഡിഗ്രി പാസായിട്ടില്ലെന്ന് പോലീസ്; കൂടുതൽ വിവരങ്ങൾ പുറത്ത്
- ജോളിയുടെ ഉറ്റസുഹൃത്ത് മുങ്ങി, എൻ ഐ ടി ബന്ധം പൊടിതട്ടിയെടുത്ത് അന്വേഷണ സംഘം
ജോളിയുടെ മക്കളെ ഞങ്ങൾ നോക്കും; അച്ഛനും അമ്മയും ഇല്ലാത്തതിന്റെ വിഷമം അനുഭവിക്കേണ്ടി വരില്ലെന്ന് റോജോയും രഞ്ജിയും
അച്ഛനും അമ്മയും ഇല്ലാത്തതിന്റെ ഒരു വിഷമവും അവർക്ക് അനുഭവപ്പെടില്ലെന്നും റോയിയുടെ സഹോദരങ്ങളായ റോജോയും രഞ്ജിയും വ്യക്തമാക്കി.
കൂടത്തായി കൂട്ടക്കൊലക്കേസിലെ മുഖ്യപ്രതി ജോളി ജോസഫിന്റെ മക്കളെ തങ്ങൾ സംരക്ഷിക്കുമെന്ന് റോജോ തോമസും രഞ്ജി തോമസും വ്യക്തമാക്കി. തങ്ങളുടെ സഹോദരൻ റോയി തോമസിന്റെ മക്കളാണ് റോമോയും റൊണാൾഡും. തങ്ങൾ എവിടെയുണ്ടോ അവിടെ ഞങ്ങളോടൊപ്പം അവരും ഉണ്ടാകുമെന്നും റോജോയും രഞ്ജിയും വ്യക്തമാക്കി. റോയി തോമസ്- ജോളി ദമ്പതികളുടെ മക്കളാണ് റോമോയും റൊണാൾഡും. അച്ഛനും അമ്മയും ഇല്ലാത്തതിന്റെ ഒരു വിഷമവും അവർക്ക് അനുഭവപ്പെടില്ലെന്നും റോയിയുടെ സഹോദരങ്ങളായ റോജോയും രഞ്ജിയും വ്യക്തമാക്കി.
കുട്ടികളുടെ പഠനത്തിനാണ് ഇപ്പോൾ പ്രാധാന്യം നൽകുന്നത്. മൂത്തമകൻ റോമോ ഷിംലയിൽ കോളേജിൽ പഠിക്കുകയാണ്. നവംബർ ആദ്യ ആഴ്ചയിൽ റോമോ പഠനത്തിനായി ഷിംലയിലേക്ക് തിരികെ പോകും. ഇളയ മകൻ റൊണാൾഡ് താമരശ്ശേരിയിൽ സിബിഎസ്ഇ സ്കൂളിൽ പത്താം ക്ലാസിൽ പഠിക്കുകയാണ്. അവന് ഹോസ്റ്റലിൽ നിന്ന് പഠനം തുടരണോ, ഹോം ട്യൂഷൻ ഏർപ്പാടാക്കണോ തുടങ്ങിയ കാര്യത്തിൽ ഉടൻ തീരുമാനമെടുക്കുമെന്നും രഞ്ജി പറഞ്ഞു.
വൈക്കത്ത് സിബിഎസ്ഇ സ്കൂളിൽ വൈസ് പ്രിൻസിപ്പലാണ് 42കാരിയായ രഞ്ജി തോമസ്. നേരത്തെ കൊളംബോയിൽ ഇംഗ്ലീഷ് അധ്യാപികയായും രഞ്ജി ജോലി നോക്കിയിട്ടുണ്ട്.
