ബൈക്ക് യാത്രക്കാരനെ രക്ഷിക്കാന്‍ ശ്രമിക്കുന്നതിനിടെ നിയന്ത്രണം വിട്ട പൊലീസ് ജീപ്പ് മറിഞ്ഞു. പത്തനാപുരത്താണ് സംഭവം. പത്തനാപുരം എസ് ഐ വിനോദ്കുമാര്‍, വനിത എസ്‌ഐ ഷെമി മോള്‍, സിപിഒ ഹരിലാല്‍, ഹോം ഗാര്‍ഡ് പ്രദീപ് എന്നിവരാണ് ജീപ്പില്‍ ഉണ്ടായിരുന്നത്. ഇവര്‍ക്കാര്‍ക്കും പരിക്കുകളൊന്നും സംഭവിച്ചില്ല.

ഇന്നലെ വൈകുന്നേരം ആറരയോടെ ഇടത്തറ അറബിക് കോളേജിന് സമീപമാണ് സംഭവം നടന്നത്. വേഗത്തില്‍ വളവ് തിരിഞ്ഞെത്തിയ ബൈക്ക് യാത്രികനെ രക്ഷിക്കാന്‍ ശ്രമിക്കുന്നതിനിടെ ജീപ്പ് മറിയുകയായിരുന്നു.