'നായാട്ട്' തിയേറ്ററുകളില്‍ എത്തിയപ്പോള്‍ ലഭിച്ചതിനേക്കാള്‍ വലിയ സ്വീകാര്യത നെറ്റ്ഫ്‌ലിക്‌സില്‍ റിലീസ് ചെയ്തതിനുശേഷം ചിത്രത്തിന് കിട്ടിയെന്നു തോന്നുന്നു. ഐശ്വര്യ ലക്ഷ്മി, അജു വര്‍ഗീസ്, ജിത്തു ജോസഫ്, കൈലാസ് മേനോന്‍ തുടങ്ങി സിനിമ മേഖലയിലെ ആളുകളും ചിത്രത്തെ പ്രശംസിച്ചുകൊണ്ട് രംഗത്തെത്തിയിരുന്നു. ഒ.ടി.ടി റിലീസിന് ശേഷമാണ് ഇത്രയധികം പ്രശംസകള്‍ സിനിമയ്ക്ക് ലഭിച്ചതെന്നത് ശ്രദ്ധേയമായ കാര്യമാണ്. ആ സന്തോഷം ആരാധകരുമായി പങ്കിടാന്‍ ജോജു ജോര്‍ജ് മറന്നില്ല.

സംവിധായകന്‍ മാര്‍ട്ടിന്‍ പ്രക്കാട്ട് , ഡി.ഒ.പി ഷൈജു ഖാലിദ്, റൈറ്റര്‍ ഷാഹി കബീര്‍ എന്നിവര്‍ക്കൊപ്പം ഉള്ള ഒരു ചിത്രം നടന്‍ പങ്കുവെച്ചു. മണിയന്‍ എന്ന പൊലീസ് ഉദ്യോഗസ്ഥനായാണ് ജോജു എത്തിയത്. നിമിഷ സജയന്‍, കുഞ്ചാക്കോബോബന്‍ എന്നിവരും മികച്ച പ്രകടനം പുറത്തെടുത്തു.