തനിക്ക് മുഖ്യമന്ത്രിയാകണമെന്ന അതിമോഹമില്ലെന്ന് കെഎം മാണി വ്യക്തമാക്കി.
കേരളകോണ്‍ഗ്രസിന് ആരെയും ഇല്ലായ്മ ചെയ്യുന്ന നയം ഇല്ലെന്നും അദ്ദേഹം പറഞ്ഞു. പി സി ജോര്‍ജിന്റെ പ്രസ്താവനയോട് പ്രതികരിക്കുകയായിരുന്നു അദ്ദേഹം.

പിസി ജോര്‍ജ് കഴിഞ്ഞ ദിവസം നടത്തിയ കമ്മ്യൂണിസ്റ്റുകളും കേരള കോണ്‍ഗ്രസും ചേര്‍ന്നാല്‍ കോണ്‍ഗ്രസ് ഉണ്ടാകില്ലെന്ന പ്രസ്താവനയോട് പ്രതികരിക്കുകയായിരുന്നു അദ്ദേഹം. എന്നാല്‍ സിപിഎമ്മുമായി ചേരേണ്ട സാഹചര്യം നിലവിലില്ലെന്ന് കെഎം മാണി വ്യക്തമാക്കി. അത്തരത്തിലൊരു പദ്ധതി ഇപ്പോള്‍ കേരള കോണ്‍ഗ്രസിനില്ല.
യുഡിഎഫിനെ ശക്തിപ്പെടുത്തുക എന്നതാണ് ഇപ്പോഴത്തെ ആവശ്യം. പിസി ജോര്‍ജ്ജ് പറഞ്ഞത് അദ്ദേഹത്തിന്റെ ആഗ്രഹമാണെന്നും മാണി പറഞ്ഞു.

മുഖ്യമന്ത്രി മാറേണ്ട സാഹചര്യം ഇപ്പോള്‍ കേരളത്തിലില്ലെന്ന് മന്ത്രി പി.കെ കുഞ്ഞാലിക്കുട്ടി പറഞ്ഞു. മന്ത്രിസഭാ പുനഃസംഘടന മുഖ്യമന്ത്രി ഔദ്യോഗികമായി അറിയിച്ചാല്‍ പാര്‍ട്ടിക്കുള്ളില്‍ ചര്‍ച്ച ചെയ്ത് തീരുമാനിക്കും. പി.സി ജോര്‍ജിനോട് പ്രതികരിക്കാനില്ലെന്നും കുഞ്ഞാലിക്കുട്ടി പറഞ്ഞു.