അഴിമതി രഹിത സംസ്ഥാനമാക്കി കേരളത്തെ മാറ്റും: പിണറായി വിജയൻ

Last Updated: വ്യാഴം, 19 സെപ്‌റ്റംബര്‍ 2019 (12:25 IST)
കേരളത്തെ അഴിമതി രഹിത സംസ്ഥാനമാക്കി മാറ്റുമെന്ന് മുഖ്യമന്ത്രി പിണറായി വിജയൻ. അഴിമതിയില്ലാത്ത സംസ്ഥാനമാക്കി കേരളത്തെ മാറ്റുന്നതിനായുള്ള നടപടികളാണ് സര്‍ക്കാര്‍ സ്വീകരിക്കുന്നതെന്ന് മുഖ്യമന്ത്രി പാലായിലെ തെരഞ്ഞെടുപ്പ് പരിപാടിയില്‍ സംസാരിക്കവേ വ്യക്തമാക്കി.

മുന്നോട്ട് വച്ച വാഗ്ദാനങ്ങള്‍ പാലിക്കാന്‍ എല്‍ ഡി എഫ് സര്‍ക്കാരിന് കഴിഞ്ഞു. പ്രകടനപത്രികയില്‍ പറഞ്ഞ എല്ലാ കാര്യങ്ങളും നാല് വര്‍ഷം കൊണ്ട് തന്നെ പൂര്‍ത്തിയാക്കുമെന്നും മുഖ്യമന്ത്രി പിണറായി വിജയന്‍ പറഞ്ഞു.

രാജ്യത്ത് ആദ്യമായി പ്രോഗ്രസ് റിപ്പോര്‍ട്ട് പുറത്തിറക്കിയത് കേരള സര്‍ക്കാരാണ്. കേരളത്തിന് കേന്ദ്ര സഹായം ലഭിക്കുന്നില്ലെന്നും പ്രളയ സമയത്ത് ന്യായമായ അര്‍ഹമായ സഹായം ലഭിച്ചിരുന്നില്ലെന്നും അദ്ദേഹം കുറ്റപ്പെടുത്തി.



ഇതിനെക്കുറിച്ച് കൂടുതല്‍ വായിക്കുക :