കഴക്കൂട്ടം|
Sajith|
Last Modified ചൊവ്വ, 8 മാര്‍ച്ച് 2016 (12:09 IST)
കഴക്കൂട്ടത്തെ ടെക്നോപാര്‍ക്കിലെ ക്ലബ് ഹൌസില്‍ താമസിക്കുന്ന വിദേശ വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ചതുമായി ബന്ധപ്പെട്ട് യുവാവായ ക്ലബ് ഹൌസ് ജീവനക്കാരനെ പൊലീസ് അറസ്റ്റ് ചെയ്തു. വെഞ്ഞാറമൂട് നെല്ലനാട് സബര്‍മതി ലൈന്‍ നിവാസി രാഹുല്‍ ഭവനില്‍ രാഹുല്‍ എന്ന ഇരുപത്തിനാലുകാരനാണു പൊലീസ് വലയിലായത്.
കേരള സര്‍വകലാശാല കാര്യവട്ടം കാമ്പസിലെ ഗവേഷണ വിദ്യാര്‍ത്ഥിനിക്കെതിരെയാണു രാഹുലിന്‍റെ പീഡനശ്രമം ഉണ്ടായത്. കഴിഞ്ഞ ദിവസം മദ്യ ലഹരിയിലായിരുന്ന രാഹുല്‍ വിദ്യാര്‍ത്ഥിനിയെ നിരന്തരം ശല്യപ്പെടുത്താന്‍ തുടങ്ങി. താമസ സ്ഥലത്തെ ജനല്‍ തകര്‍ത്ത് മുറിക്കുള്ളില്‍ കയറിയ രാഹുല്‍ വിദ്യാര്‍ത്ഥിനിയെ ഉപദ്രവിക്കാന്‍ തുടങ്ങിയപ്പോള്‍ ബഹളം കേട്ട് എത്തിയ മറ്റ് വിദ്യാര്‍ത്ഥികളും മറ്റുള്ളവരും ചേര്‍ന്ന് പൊലീസില്‍ പരാതിപ്പെടുകയായിരുന്നു.
കഴക്കൂട്ടം സൈബര്‍ സിറ്റി എ സി അനില്‍ കുമാറിന്‍റെ നിര്‍ദ്ദേശാനുസരണം എസ് ഐ മാരായ സുനില്‍, സീതാറാം, നിസാര്‍ എന്നിവരുടെ നേതൃത്വത്തിലുള്ള പൊലീസ് സംഘമാണു പ്രതിയെ അറസ്റ്റ് ചെയ്തത്.
